पनवेल : लॉकडाऊनमुळे बाजारात प्रतिष्ठित ब्रँडचे सिगारेट उपलब्ध होत नाही. त्यामुळे तलफ भागवण्यासाठी धूम्रपान करणारे दुय्यम दर्जाच्या सिगारेटकडे वळले आहे.

नक्की वाचा : "विवाह संसर्गजन्य व्यक्तीच्या संपर्कात आल्या आल्या लगेचच"; या लग्नाची आहे जोरदार चर्चा...

इतर काळात ग्राहकांच्या प्रतीक्षेत दुकानात पडून असलेले दुय्यम दर्जाच्या सिगारेटची सध्या चलती आहे. लॉकडाऊन संपेपर्यंत ब्रँडेड सिगारेट विक्रीवर बंदी असल्याने ते गोदामात पडून आहेत. सरकारच्या या निर्णयामुळे मद्यपी तसेच धूम्रपान करणाऱ्यांचे मोठे हाल होत आहेत. सुरुवातीला किरकोळ बाजारात उपलब्ध असणारे ब्रँडेड कंपनीचे सिगारेट दुप्पट भावाने विकत घेऊन काही जण आपली तलफ भागवत होते. मात्र, लॉकडाऊन वाढल्याने किरकोळ दुकानात उपलब्ध ब्रँडेड सिगारेटचा स्टॉक संपल्याने दुय्यम दर्जाचे सिगारेट पुढे करत आहेत. अडचणीत सापडलेले सिगारेट ओढणारे पर्याय म्हणून दामदुप्पट किमतीत कधीही घेत नसलेले सिगारेट खरेदी करत आहेत.

मोठी बातमी : 'या' तारखेला मुख्यमंत्री उद्धव ठाकरे होणार विधान परिषद आमदार...

विक्रेते खूश
बाजारात उपलब्ध असलेल्या नामांकित कंपनीच्या सिगारेटसोबत इतरही काही कंपनीचे सिगारेट उपलब्ध आहेत. ते जवळपास अर्ध्या किमतीचे असूनही ग्राहक खरेदी करण्यास रस दाखवत नाही. अनेक छोट्या मोठ्या दुकानदारांकडे अनेक महिन्यांपासून दुय्यम दर्जाची सिगारेट पडून आहेत. सध्याच्या अडचणीच्या काळात पडून असलेल्या या सिगारेटना दुप्पट किंमत मिळत असल्याने विक्रेतेही खुशीत आहेत. 

हे ही वाचा : सोशल मीडियावर ट्रेंडिंग 'स्मायली' काढतेय भाजप नेत्यांना चिमटे; पण ही स्मायली आहे तरी कोण ?

सिगारेटचे दर (रुपयांत) -

• कंपनी - पूर्वीचे दर - सध्याचे दर 
• नामांकित कंपनी  - 100 ते 150 - 300 ते 350
• दुय्यम कंपनी - 50 ते 60 - 120 ते  150

selling of duplicate cigarette Selling at double the price on the black market