मुंबई : ज्येष्ठ साहित्यिक साहित्य अकादमी पुरस्कार विजेत्या अनुराधा पाटील यांना या वर्षीचा विंदा करंदीकर पुरस्कार जाहीर करण्यात आला आहे. डॉ. अशोक केळकर मराठी भाषा अभ्यासक पुरस्कार प्रा. आर. विवेकानंद गोपाळ व मंगेश पाडगावकर भाषा संवर्धक पुरस्कार अनिल गोरे यांना जाहीर झाला आहे. मराठी साहित्य निर्मितीमध्ये लक्षणीय कामगिरीसाठी देण्यात येणाऱ्या श्री. पु. भागवत पुरस्कारासाठी पद्मगंधा प्रकाशनाची (पुणे) निवड करण्यात आली.
समकालीन मराठी कवितेच्या क्षेत्रात प्रभाव निर्माण करणाऱ्या प्रतिभासंपन्न कवयित्री म्हणून अनुराधा पाटील यांनी स्थान निर्माण केले आहे. आतापर्यंत त्यांच्या 224 कविता प्रकाशित झाल्या आहेत. पद्मगंधा प्रकाशनने 1988 पासून मराठी साहित्यात दर्जेदार पुस्तके प्रसिद्ध केली. 32 वर्षांच्या त्यांच्या या कार्याची दखल घेत त्यांना श्री. पु. भागवत पुरस्काराने गौरवण्यात येत आहे.
विंदा करंदीकर पुरस्काराचे स्वरूप पाच लाख रुपये, मानपत्र आणि मानचिन्ह; तर श्री. पु. भागवत पुरस्काराचे स्वरूप रुपये तीन लाख, मानपत्र आणि मानचिन्ह असे आहे. हे सर्व पुरस्कार मराठी भाषा दिनी, 27 फेब्रुवारी रोजी होणाऱ्या कार्यक्रमात यशवंतराव चव्हाण प्रतिष्ठान येथे प्रदान करण्यात येतील.
विंदा करंदीकर यांच्या नावाचा पुरस्कार मिळणे ही माझा व माझ्या कवितेचा फार मोठा सन्मान आहे. नुकताच मला साहित्य अकदामी पुरस्कार मिळाला आणि आता राज्य सरकारच्या पुरस्काराची घोषणा झाली. हा पुरस्कार मला जाहीर होणे अगदीच अनपेक्षित होते. त्यामुळे भारावून गेले आहे.
- अनुराधा पाटील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.