मुंबई ः बाहुबली हा चित्रपट प्रसारीत झाला, त्यावेळी समाजमाध्यमांवर मुले एखाद्या पोत्यासारखे सिलेंडर ऊचलून नेत असल्याचे मिम्स  व्हायरल झाले होते, पण बॉक्सर लोवलिना बोर्गोहैन हीने सुरुवातीस तंदुरुस्तीसाठी साहित्य न मिळाल्याने सिलेंडर उचलून सराव केला होता.

Corona Effect : लॉकडाऊनमुळे मुलांच्या शिक्षणावर परिणाम, ’क्राय’चा अहवाल

लॉकडाऊनमुळे अनेक खेळाडू घरातच अडकले आहेत. त्यास लोवलिनाही अपवाद नाही. आसाममधील गोलाघाट जिल्ह्यातील लोवलिना ऑलिपिकसाठी पात्र ठरली आहे. तंदुरुस्ती वाढवण्यासाठी विशेषतः खांद्यातील ताकद वाढवण्यासाठी तिने रिकामे सिलेंडर ऊचलण्याचा सराव केला. ``लॉकडाऊनमुळे घरी सराव करणे भाग पडले होते. क्रीडा प्राधीकरणाकडे यासाठी नोंदवलेल्या साहित्य मिळण्यास उशिर होणार होता. त्यावेळी खांद्यातील ताकद वाढवण्यासाठी काही तर जड गोष्ट ऊचलणे आवश्यक होते. अनेक गोष्टी बघितल्यावर रिकामा सिलेंडर उचलल्यास काम साध्य होईल, असे वाटले. ते मला आठवड्यातून दोनदा करायचे होते. पण त्यावेळीही सलग सहावेळा तो वर ऊचलण्याचा सराव करीत असे. हे पाचवेळा केले. दोन आठवडे या पद्धतीने सराव केला," असे तिने सांगितले.

ब्रेकिंग - आयुर्वेदिक, होमियोपेथिक, युनानी, योग चिकित्सा पद्धतीबाबत सरकारने घेतला मोठा निर्णय

लोवलिनाचे सिलेंडर ऊचलल्याचे छायाचित्र पाहिल्यावर बाहुबली चित्रपटाच्यावेळी असलेल्या छायाचित्राची आठवण अनेकांना होईल, याकडे लक्ष वेधल्यावर लोवलिनास हसू आवरले नाही. मी ज्यावेळी हे ऊचलले, त्यावेळी माझ्या मनात काही तसा विचार नव्हता, पण अनेकांनी हे विचारले आहे. मी केवळ ट्रेनिंगचाच त्यावेळी विचार केला होता, असे तिने सांगितले. 
क्रीडा प्राधीकरणाकडून साहित्य आल्यामुळे मी आता घराजवळ तंबूसारखी एक जागा तयार केली आहे आणि आता सराव सुरु केला आहे. त्यासाठी रिंग तयार केली आहे आणि त्या ठिकाणी ठोसे देण्याचाही सराव सुरु केला आहे. प्रत्यक्ष सरावास अद्याप वेळ लागेल, असे तिने सांगितले.