मुंबई : वडाळा स्थानकात पनवेल लोकलमधून धूर आल्याचे निदर्शनास येताच, घाबरून उडी मारल्याने तरुणी जखमी झाल्याची घटना गुरुवारी दुपारी घडली. ट्विंकल बेनिकड्डी (रा. संघवी पार्क, मिरा रोड पूर्व) असे जखमी झालेल्या तरुणीचे नाव असून तिला उपचारार्थ सरकारी रुग्णालयात दाखल केल्याची माहिती रेल्वे पोलिसांनी दिली.

धक्कादायक शिकवणीला येणाऱ्या मुलीच्या प्राव्हेट पार्टमध्ये पेन्सिल घालून काढायची व्हिडीओ, पोलिसांनी घेतलं ताब्यात

गुरुवारी दुपारी साडेबारा वाजताच्या सुमारास सीएसएमटीहून पनवेलला जाणारी लोकल वडाळा स्थानकातून पुढे निघताना एका डब्यातून धूर येत असल्याचे निदर्शनास आले. यावेळी लोकलखालील यंत्रणेला आग लागल्याचा चुकीचा समज प्रवाशांमध्ये निर्माण झाल्याने त्याच लोकलमध्ये प्रवास करणाऱ्या ट्विंकलने लोकलमधून तात्काळ उडी मारली.

महत्वाचे समाजहिताला जातीचे राजकारण धोकादायक - नागराज मंजुळे

जखमी ट्विंकलला रेल्वे पोलिसांनी तातडीने केईएम रुग्णालयात दाखल केले. या तरुणीवर उपचार सुरू असल्याचे वडाळा रेल्वे पोलिस ठाण्याचे वरिष्ठ पोलिस निरीक्षक राजेंद्र पाल यांनी सांगितले.

हे वाचलेय का... २०२० मध्ये 'या' सिनेमांचे येणार सिक्वल 

तो धूर ‘ब्रेक बायडिंग’!
या घटनेनंतर पनवेल लोकल वडाळा स्थानकातच रद्द करण्यात आली. या लोकलला कारशेडमध्ये चाचणीसाठी पाठवण्यात आल्याची माहिती रेल्वे अधिकाऱ्यांनी दिली. लोकलमध्ये ब्रेक बायडिंगसारख्या तांत्रिक समस्येमुळे धूर येण्याची शक्‍यता असते. ब्रेकच्या घर्षणामुळे धूर निर्माण होऊ शकतो. या प्रकारात प्रवाशांना कोणताही धोका नसल्याचे मध्य रेल्वेचे मुख्य जनसंपर्क अधिकारी शिवाजी सुतार यांनी सांगितले.

As she saw the smoke, 'she' jumped from the local