पालघर  ः पालघर पंचायत समिती निवडणुकीची मतमोजणी बुधवारी बोईसरच्या टीमा हॉलमध्ये उत्साहात झाली. मतमोजणी अखेर २३ जागा जिंकून शिवसेनेने पालघर पंचायत समितीवर भगवा फडकवला.

मनसेचा मोठा चेहरा आता येणार जनतेसमोर, मनसेत आनंदी आनंद...

बुधवारी दहा वाजता सुरू झालेल्या मतमोजणीत सुरुवातीपासून शिवसेनेने आघाडी घेतली होती. त्यामुळे मतमोजणी केंद्राबाहेर शिवसैनिकांनी जल्लोष करायला सुरुवात केली होती. मतमोजणी अखेर पंचायत समितीच्या ३४ जागांपैकी २३ जागांवर विजय मिळवून शिवसेनेने पालघर पंचायत समितीवर अपेक्षेप्रमाणे भगवा फडकवला.

महापौरपदासाठी पुन्हा कविता चौतमोल

पंचायत समितीच्या ३४ जागांपैकी २३ जागी शिवसेना, बहुजन विकास आघाडी चार, भाजप दोन, राष्ट्रवादी काँग्रेस दोन, मनसे एक आणि दोन अपक्ष उमेदवार निवडून आले आहेत. त्यामुळे पालघर पंचायत समितीवर शिवसेनेने आपली सत्ता कायम राखली आहे. पालघर पंचायत समितीत मनसेने खाते उघडले असून त्यांचा एक सदस्य निवडून आला आहे.

मावळत्या जिल्हा परिषदेचे बांधकाम सभापती आणि जिल्हा परिषद सदस्य सुरेश तरे नवघर घाटीम पंचायत समिती गणातून पंचायत समितीच्या सदस्यपदी निवडून आले आहेत. पालघर पंचायत समितीच्या सभापती मनीषा पिंपळे आणि पंचायत समिती सदस्य मुकेश पाटील दुसऱ्यांदा पंचायत समितीवर निवडून आले आहेत. मावळत्या पंचायत समितीत बहुजन विकास आघाडीची सदस्य संख्या १० होती; परंतु या निवडणुकीत फक्त चार सदस्य निवडून आले आहेत. भाजपच्या पंचायत समिती सदस्यांमध्ये निम्म्याने घट झाली असून फक्त दोन सदस्य निवडून आले आहेत.
 

पालघरमध्ये राष्ट्रवादीची पाॅवर वाढली 
 पालघर जिल्हा परिषदेसाठी झालेल्या निवडणुकीत राष्ट्रवादी काँग्रेसची पावर वाढळी असून भाजप, शिवसेने आणि बविआला मात्र निवडणुकीत फटका बसल्याचे निवडणुकीच्या निकालावरून दिसत आहे. काँग्रेस आणि माकपने मात्र आपल्या जागा राखण्यात यश मिळविले आहे.  मंगळवारी (ता.७) झालेल्या जिल्हा परिषद आणि पंचायत समित्यांच्या निवडणुकीचे निकाल आज जाहीर झाले. त्यात सर्वात मोठा पक्ष म्हणून शिवसेना पुढे असली, तरी पक्षाच्या तीन जागा यंदा कमी झाल्या आहेत, तर गेल्यावेळी एक नंबरला असलेल्या भाजपच्या नऊ जागा कमी झाल्या आहेत. बविआला १० जागांवरुन चार जागांवर समाधान मानावे लागले आहे.