मोखाडा ः जिल्हा परिषद आणि पंचायत समितीसाठी झालेल्या निवडणुकीत मोखाडा पंचायत सामितीच्या सहापैकी पाच जागा जिंकत शिवसेनेने पंचायत समितीवर पुन्हा एकदा भगवा फडकवला आहे, तर जिल्हा परिषदेच्या खोडाळा या एकमेव गटासाठी झालेल्या निवडणुकीत भाजपच्या कुसुम झोले यांनी शिवसेनेच्या दमयंती फसाळे यांच्यावर १४३ मतांनी विजय मिळवला आहे.

राज ठाकरे आणि देवेंद्र फडणवीसांची मुंबईत भेट, काशासाठी... 

मोखाड्यातील आसे जिल्हा परिषद गटातून राष्ट्रवादी काँग्रेसचे हबीब शेख, तर पोशेरा गटातून भाजपच्या राखी चोथे बिनविरोध निवडून आल्या आहेत. त्यामुळे भाजपने मोखाड्यातील जिल्हा परिषदेच्या दोन जागा मिळवत वर्चस्व सिद्ध केले.   

...म्हणून खोपेली काँग्रेसमध्ये वाद विकोपाला

मोखाड्यात सहा पंचायत समिती आणि तीन जिल्हा परिषदेच्या जागांसाठी निवडणुका झाल्या. या निवडणुकीत दोन जिल्हा परिषदेच्या जागा बिनविरोध झाल्या होत्या. यानंतर उर्वरित एका खोडाळा जिल्हा परिषद गटासाठी झालेल्या अटीतटीच्या लढतीत भाजपच्या कुसुम झोले यांचा १४३ मतांनी विजय झाला आहे, तर गेल्या २० वर्षांपासून मोखाडा पंचायत समितीवर वर्चस्व असलेल्या शिवसेनेने सहापैकी पाच जागांवर विजय मिळवत विजयी परंपरा कायम ठेवली. एका जागेवर राष्ट्रवादी काँग्रेसचा उमेदवार निवडून आला; मात्र, जिल्हा परिषदेच्या जागेसाठी शिवसेनेला हार पत्करावी लागली. 

जिल्हा परिषदेतील विजयी उमेदवार          
हबीब शेख (राष्ट्रवादी) 
राखी चोथे (भाजप)
कुसुम झोले (भाजप)

पंचायत समिती 
प्रदीप वाघ (शिवसेना) 
आशा झुगरे (शिवसेना) 
सारिका निकम (शिवसेना) 
भास्कर थेतले (शिवसेना) 
युवराज गिरंधले (शिवसेना) 
लक्ष्मीबाई भुसारा (राष्ट्रवादी)