मुंबई - कांदिवली पूर्व विभागातील प्रभाग क्रमांक २८, हनुमान नगर येथील ठाकरे गटाचे माजी नगरसेवक एकनाथ हुंडारे यांनी मुख्यमंत्री एकनाथ शिंदे यांच्या पक्षात प्रवेश केला आहे. मुख्यमंत्र्यांनीच हंडारे यांचे पक्षात स्वागत करून त्यांना राजकीय वाचचालीसाठी शुभेच्छा दिल्या. माजी नगरसेविका अश्विनी माटेकर यांच्या पाठोपाठ आता हुंडारेही शिंदे गटात प्रवेश केला आहेत.

आपल्या असंख्य कार्यकर्त्यांनी त्यांनी हा पक्ष प्रवेश केला. त्यांचेही मुख्यमंत्री शिंदे यांनी स्वागत केले. हनुमान नगर परिसरातील अनेक प्रश्न प्रलंबित असून महापालिका प्रशासनाच्या माध्यमातून आणि राज्य सरकारच्या सहयोगाने हे प्रश्न नक्की सोडवू अशी यावेळी मुख्यमंत्र्यांनी ठाम ग्वाही दिली. एका पाठोपाठ नगरसेवक आता शिंदे गटात माजी नगरसेवक दाखल होवू लागले आहेत. पालिका निवडणुक जवळ येईल तसे माजी नगरसेवक पक्षांतर करू लागले आहेत.

अजून प्रभागांची फेररचना आणि आरक्षण पडणार आहे. त्याच ज्यांच्या पत्ता कापला जाईल. त्या नगरसेवकांची पळवा पळवी होण्याची शक्यता आहे. त्यामुळे माजी नगरसेवक सावध पावले टाकत आहेत असे दिसते. हुंडारे यांच्या पक्ष प्रवेशा वेळी शिवसेना सचिव अभिजित अडसूळ, शिवसेना सचिव संजय म्हशीलकर, शिवसेना महाराष्ट्र राज्य समन्वयक व प्रवक्ते नरेश म्हस्के आदी उपस्थित होते.