मुंबई : उंदीर पकडण्यासाठी लिफ्ट मध्ये ठेवलेल्या रॅट ब्ल्यू पॅड वर चक्क साप चकटल्याचा धक्कादायक प्रकार मुलुंड येथील एका कंपनीच्या आवारात घडला. त्यामुळे कामगारांमध्ये एकच धावपळ झाली.  मुलुंड येथील एल बी एस मार्गावरील एका खासगी कंपनी मध्ये उंदरांचा उपद्रव वाढला आहे. उंदरांचा बंदोबस्त करण्यासाठी रात्री उशिरा कंपनीच्या लिफ्ट मध्ये उंदीर पकडण्याचे रॅट ब्ल्यू पॅड ठेवले. सकाळी कंपनीच्या सुरक्षा रक्षकाने लिफ्ट मध्ये येऊन जे पाहिले ते पाहून त्याची बोबडीच वळाली. कारण उंदीर पकडण्यासाठी लिफ्ट मध्ये ठेवलेल्या रॅट ब्ल्यू पॅड वर चक्क साप चिकटला होता.

मुंबई परिसरातील बातम्या वाचण्यासाठी येथे क्लिक करा

कंपनी मधील हा प्रकार कामगार नरेश राणे यांनी अम्मा केअर फाऊंडेशन (एसीएफ) आणि प्लांट एण्ड अ‍ॅनिमल वेलफेअर सोसायटी - मुंबई (पॉज-मुंबई) या प्राणी मित्र संघटनांच्या टोल फ्री क्रमांकावर संपर्क साधला. एसीएफ पॉज-मुंबई चे स्वयंसेवक घटनास्थळी पोहोचले असता त्यांना तीन फूट लांबीचा धामण साप रॅट ब्ल्यू पॅड ला चिकटलेला दिसला. प्राणी मित्रांनी धामण साप बिन विषारी असल्याचे सांगितल्यानंतर सर्वांनीच सुटकेचा निश्वास सोडला.

मुंबईतील प्रभागांची रचना नव्याने करण्याची गरज; रवी राजा यांची मागणी

       एसीएफ पॉज-मुंबई संस्थेचे स्वयंसेवक हसमुख वळंजू यांनी ब्ल्यू पॅड ला चिटकलेल्या सापाला घेऊन थेट पशु वैद्यकीय दवाखाना गाठला. तेथे पशु वैद्यकीय डॉक्टर राहुल मेश्राम यांनी रेस्क्यू ऑपरेशन सुरू केले. दोन तासांच्या अथक प्रयत्नानंतर त्यांनी पॅड ला चिटकलेल्या सापाला सुरक्षित वेगळं केलं. त्यानंतर सापाला डॉक्टरांच्या देखरेखीखाली ठेवण्यात आले. तासाभराने साप सुदृढ असल्याचे निदान झाल्यानंतर वनविभागाच्या मदतीने धामण सापाला निसर्गाच्या सान्निध्यात सोडण्यात आल्याची माहिती एसीएफ पॉज-मुंबईचे संस्थापक तथा मुंबई शहर चे मानद वन्यजीव रक्षक सुनीष सुब्रमण्यन यांनी दिली. 

The snake stuck to the rat blue pad in mulund

---------------------------------------------------------------

( संपादन - तुषार सोनवणे )