कल्याण : सोमवारी रात्री उशिरा वांद्रे येथील एक इमारत पडल्याची घटना घडली होती. त्यात सुदैवाने कोणतीही जीवितहानी झाली नव्हती. या घटनेची शाई वाळत नाही तोच कल्याण पूर्वेकडी हनुमान नगर परिसरात दोन मजली धोकादायक इमारतीच्या गॅलरीचा काही भाग कोसळल्याची घटना समोर आली. सुदैवाने या घटनेत कोणतीही जीवितहानी झाली नाही. मात्र, या घटनेमुळेपुन्हा एकदा शहरात धोकादायक इमारतीचा प्रश्न ऐरणीवर आला आहे.

WHO नेही व्यक्त केली भीती, कोरोना संसर्गाचा दंत डॉक्टरांना सर्वाधिक धोका

गेल्या आठ दिवसांपासून कल्याण-डोंबिवली शहरी आणि ग्रामीण भागात मुसळधार पावसाच्या हजेरी लावली आहे. अनेक ठिकाणी झाडे पडण्याच्या घटना घडत असून अनेक ठिकाणी रस्त्यांवर खड्ड्याचे साम्राज्य पसरले आहे. त्यामुळे नागरिकांना मोठ्या प्रमाणात त्रास होत आहे. त्यातच आज मंगळवारी (ता. 18) सकाळी अकराच्या सुमारास कल्याण पूर्वेकडील हनुमान नगर येथे दोन मजली धोकादायक इमारतीच्या गॅलरीचा भाग कोसळला. सुदैवाने या घटनेत जीवितहानी झाली नाही. 

अत्यंत महत्त्वाचं : यंदा थेट विसर्जनासाठी जाता येणार नाही, विसर्जनासाठीची नियमावली वाचून घ्या

घटनेची माहिती मिळताच प्रभाग क्षेत्र अधिकारी वसंत भोंगाडे आणि अग्निशमन दलाच्या पथकाने घटनास्थळी धाव घेतली. ही इमारत 25 वर्ष जुनी होती. पालिकेने त्या इमारतीला धोकादायक जाहीर केले होते. घटना घडली तेव्हा इमारतीत  कोणीही राहत नसल्याने कोणतीही जीवितहानी झाली नाही. याबाबत कायदेशीर आणि तांत्रिक बाजू पाहून पुढील निर्णय घेतला जाईल, अशी माहिती प्रभाग क्षेत्र अधिकारी वसंत भोंगाडे यांनी दिली.
----
संपादन ः ऋषिराज तायडे