मुंबई : कुलाबा-वांद्रे-सीप्झ मेट्रो-3 मार्गाच्या रुळांच्या कामासाठी महत्त्वाचे असलेले फ्लॅश बट वेल्डींग यंत्र मुंबईत दाखल झाले आहे. या यंत्राद्वारे शुक्रवारी (ता.9) मेट्रो-3 मार्गाच्या रुळ जोडणीच्या कामास छत्रपती शिवाजी महाराज आंतरराष्ट्रीय विमानतळ स्थानकापासून सुरुवात झाली. मेट्रो-3 मार्गासाठी टणक रुळांच्या वापर होणार आहे.

पाकिस्तानला लढाऊ विमानांची गोपनीय माहिती पुरविणाऱ्या एचएएल कर्मचाऱ्यास अटक; एटीएसची कारवाई

फ्लॅश बट वेल्डींग यंत्राद्वारे 340 फ्लॅश व्होल्टेज व 420 बुस्ट व्होल्टेजचा वापर करून संरेखन, प्री-हिटिंग, फ्लॅशिंग, फॉर्जिंग, स्ट्रीपिंग व एअर-क्वेंचिंग या प्रक्रिया करून रुळांचे वेल्डींग करण्यात येणार आहे. हे यंत्र अमेरिकेतील मे. हॉलंड एल. पी. या कंपनीद्वारे बनविण्यात आले आहे. मेट्रो-3 प्रकल्पासाठी एकूण दोन फ्लॅश बट वेल्डिंग यंत्रांचा वापर होणार आहे. त्यापैकी एक यंत्र नोव्हेंबर अखेरीस मुंबईत दाखल होणे अपेक्षित आहे. हे एक स्वयंचलित यंत्र असून, यात योग्य दर्जाचे वेल्डींग होण्यासाठी सर्व मापदंड आधीच निश्‍चित करण्यात आले आहेत. या 33.5 किमी लांबीच्या मार्गिकेचे वेल्डिंग 11 विविध ठिकाणांवरून करण्याचे नियोजन आहे, असे मुंबई मेट्रो रेल्वे कॉपोरेशनचे व्यवस्थापकीय संचालक रणजितसिंह देओल यांनी सांगितले. 

एल्गार परिषद प्रकरण; एनआयएचे 8 जणांविरोधात आरोपपत्र दाखल

मेट्रो-3 प्रकल्पासाठी एकुण 10 हजार 740 टन टणक रुळांची आवश्‍यकता असून, सध्या 8 हजार 366 टन रूळ मुंबई मेट्रो रेल कॉर्पोरेशनला प्राप्त झाले आहे. उर्वरीत रूळ लवकरच जपानहून मुंबईत दाखल होणार आहेत. फ्लॅश बट वेल्डींग मशीनच्या साहाय्याने 18 मीटर लांबीच्या टणक रुळांचे वेल्डिंग करून अखंड रूळ तयार करण्यात येणार आहेत. यामुळे प्रवाशांना सुरक्षित व आरामदायी प्रवास करता येणार आहे. 
- सुबोध कुमार गुप्ता, संचालक, मुंबई मेट्रो रेल्वे कॉपोरेशन 

------------------------------------------
(संपादन : गोरक्षनाथ ठाकरे)