मुंबई : बनावट कागदपत्राच्या साह्याने वाहन कर्ज घेऊन राष्ट्रीयकृत बँकेची सव्वा कोटी रुपयांची फसवणूक केल्याप्रकरणी बोरिवली पोलिसांनी सात जणांविरोधात गुन्हा दाखल केला आहे. याप्रकरणी अधिक तपास सुरू असल्याचे पोलिसांनी सांगितले. बँकेच्या महिला व्यवस्थापकाने याप्रकरणी तक्रार केल्यानंतर पोलिसांनी कार डिलर कंपनीचे कर्मचारी व ग्राहक रघुनाथ राणे, गणेश उभारे, राहिल खान, अविध घरत, झेड. मद्रासवाला, शाही आलम व विशाल तिवारी यांच्याविरोधात गुन्हा दाखल करण्यात आला आहे. 

अभिनेत्री हेमांगी कवीने पुरुषांच्या अस्वच्छतेवर व्यक्त केला संताप, 'वेस्टर्न टॉयलेट कसं वापरावं हे कळत नसेल तर...'

तक्रारीनुसार, राणे एका कार डिलर कंपनीचा कर्मचारी होता. 2018 मध्ये तो तक्रारदार बॅंक व्यवस्थापकाकडे आला होता. घरत याने पजेरो कार खरेदी केली असून त्यांना तीस लाख रुपयांचे वाहन कर्ज हवे राणे यांनी बँकेला सांगितले. त्यानंतर कागदपत्रांची पडताळणी करण्यात आल्यानंतर 29 लाख 60 हजार रुपयांचे कर्ज देण्यात आले. हे पैसे कार कंपनीच्या खात्यात जमा झाले. पण त्यानंतरही राणेकडून कारचा नोंदणीकृत क्रमाांक प्राप्त झाला नाही. बरेच दिवस झाल्यानंतरही वाहनाचा नोंदणी क्रमांक प्राप्त न झाला नाही. 

हिंदमातासाठी आता नवा प्रयोग; पाणी वाहून जाण्यासाठी बोगद्याचा विचार, वाचा सविस्तर

पुढे आणखी तीन ग्राहक झेड. मद्रासवाला, शाही आलम व विशाल तिवारी या तीन ग्राहकांसाठी कार डिलरकडून कर्जाचे अर्ज आले. त्यातही कागदपत्रांची पडताळणी करून 29.34 लाख, 29.55 लाख व 29.55 लाख रुपयांचे कर्ज अनुक्रमे वितरीत करण्यात आले. सुरूवातीचे तीन महिने कर्जाचे हफ्ते भरण्यात आले. त्यानंतर कर्जाचे हफ्ते येणे बंद झाले. तसेच रजिस्ट्रेशन क्रमांकाच्या कागदपत्रांची पूर्तताही करण्यात आली नाही. त्यानंतर जमा करण्यात आलेल्या कागदपत्रांची पुन्हा पडताळणी केल्यानंतर त्यातील काही कागदपत्र बोगस असल्याचे निष्पन्न झाले.

कोव्हिडमुळे वाहन उद्योगाला मोठा फटका! व्यवसायात जुलैमध्ये गेल्यावर्षीच्या तुलनेत मोठी घट

तसेच अधिक चौकशी केली असता कार डिलर कंपनीच्या खात्यातून पैसे वैयक्तिक खात्यावर वळते करून त्याचा गैरवापर करण्यात आल्याचा आरोप तक्रारीत करण्यात आला आहे. त्यानंतर कार डिलर कंपनीकडे तपासणी केली असता ग्राहकांना गाडी न आवडल्यामुळे त्यांनी गाडी घेतली नसल्याचे सांगितले. त्यानंतर कार डिलर कंपनीने त्या गाड्या विकून पैसे देण्याचे आश्वासन दिले. पण ती रक्कम न मिळाल्यामुळे अखेर महिला बँक व्यवस्थापकाने याप्रकरणी बोरीवली पोलिसांकडे तक्रार केली. त्यानुसार नुकतीच पोलिसांनी कट रचणे, बनावटी करणे व फसवणूक केल्याप्रकरणी गुन्हा दाखल केला आहे. याप्रकरणी अद्याप कोणालाही अटक करण्यात आली नसून अधिक तपास सुरू असल्याचे पोलिस अधिकाऱ्याने सांगितले.
----
संपादन : ऋषिराज तायडे