नवी मुंबई : यंदा सोलापूरवरून येणारी नवीन पपईची जात बाजारात दाखल झाली आहे. स्वीट चार्ली असे या पपईच्या प्रजातीचे नाव आहे. चवीबरोबर दरही आवाक्‍यात असल्याने, या पपईला ग्राहकांची चांगलीच पसंती मिळत आहे. या पपईमुळे चांगलेच आरोग्यदायी फायदे असल्याचे जाणकारांकडून सांगितले जात आहे. 

ही बातमी वाचली का? वय वर्ष 23; हेडफोनने घेतला जीव...

पपई हे पिवळ्या व लालसर रंगाचे गोड चवीचे फळ आहे. हे फळ पचनास मदत करते. त्याच्या बिया व गर आरोग्यदायी आहे. रोजच्या जेवणात सॅलाड म्हणून याचा उपयोग केला जातो. सध्या बाजारात उस्मानाबादवरून येणाऱ्या पपईची आवक सुरू आहे. याशिवाय तैवान 786, 785 या प्रकारच्या पपई बाजारात उपलब्ध आहेत. घाऊक बाजरात 10-12 किलो या दराने ही पपई उपलब्ध आहे; तर किरकोळ दर प्रति नग 30 रुपये असे आहेत, परंतु सोलापूरच्या स्वीट चार्ली या नव्याने बाजारात दाखल झालेल्या प्रकाराला सध्या ग्राहकांकडून मोठ्या प्रमाणात मागणी आहे. चवीला गोड, दिसायला आकर्षक व टिकाऊ या वैशिष्ट्यांमुळे ही पपई ग्राहकांच्या पसंतीस पडत आहेत. या पपईची रोज 25 गाडी आवक होत आहे, अशी माहिती व्यापाऱ्यांनी दिली. 

ही बातमी वाचली का? 'ही' परदेशी फळे बाजारात दाखल; तुम्ही पाहिली का?

स्वीट चार्ली ही पपईची प्रजात चवीला गोड, दिसायला आकर्षक व टिकाऊ आहे. तिची रोज 25 गाडी आवक होत आहे. ही पपई घाऊक प्रतिकिलो 22 रु. दरात; तर किरकोळ बाजारात प्रतिनग 50-55 रु. दरात उपलब्ध आहे. 
- भरत देवकर, व्यापारी.