मुंबई : बाधित देशातून आलेल्या प्रत्येक प्रवाशाला १४ दिवस घरात एकांतात राहाण्याचा सल्ला दिला जात आहे. त्यासाठी त्यांच्या हातावर शिक्काही मारला जात आहे. अशा व्यक्तींवर नजर ठेवण्यासाठी मोबाईल ट्रॅकिंग करण्यात येत असून ते बाहेर फिरताना आढळल्यास त्यांना सक्तीने रुग्णालयात भरती केले जाऊ शकते, अशी माहिती महापालिकेकडून देण्यात आली आहे.
बाधित देशातून मुंबईत आलेले सुमारे ४१३ नागरिक पालिकेच्या निगराणीखाली आहेत. मात्र, काही नागरिक बाहेर फिरत असून घरातच इतरांच्या भेटीगाठी घेत आहेत. घराबाहेर फिरणारा ‘होम कॉरंटाईन’चा प्रवासी लक्षात यावा म्हणून राज्य सरकारने त्यांच्या हातावर शिक्के मारण्याचा निर्णय घेतला. त्यानुसार असे शिक्केही मारले जात आहेत. मात्र, तरीही खबरदारीचा उपाय म्हणून या प्रत्येक प्रवाशाचा मोबाईल ट्रॅक केला जाणार आहे. तसेच, पालिकेचे पथकही त्यांचा पाठपुरावा करणार आहे.
पोलिस मोबाईल ट्रॅक करणार
पनवेलमध्ये काही संशयित रुग्ण क्रिकेट खेळत असल्याचे आढळले होते; तर मुंबईतही होम कॉरंटाईनमध्ये असलेल्या काही व्यक्ती बाहेर फिरताना आढळल्या आहेत. मुंबई महानगर पालिका या व्यक्तीचे मोबाईल क्रमांक पोलिसांना देणार असून पोलिस त्यांचे मोबाईल ट्रॅक करणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.