मुंबई : शहरी नक्षलवादाचा आरोप असलेले प्रा. आनंद तेलतुंबडे यांना जामीन देण्यास विशेष न्यायालयाने नकार दिला आहे. प्रक्रुतीच्या कारणाने तूर्तास जामीन द्यावा, अशी मागणी तेलतुंबडे यांनी केली होती. ती फेटाळत तेलतुंबडे यांना 8 मे पर्यंत न्यायालयीन कोठडीत ठेवण्याचे आदेश न्यायालयाने दिले आहेत.  

हे ही वाचा : अक्षय तृतीयाला सोनं खरेदी करायचंय, आहो अशी करा ना मग सोनं खरेदी...

एल्गार परिषद आणि भीमा कोरेगाव हिंसाचार प्रकरणी पुणे पोलिसांनी तेलतुंबडे यांच्या विरोधात गुन्हा दाखल केला आहे. काही दिवसांपूर्वी त्यांनी एनआयएकडे शरणागती पत्करली होती. शनिवारी विशेष एनआयए न्यायालयात त्यांना हजर करण्यात आले.

नक्की वाचा : आता विनाकारण घराबाहेर फिराल तर हवेत उडणारे पोलिस लागतील मागे...

कोरोनाचा धोका असल्याने तात्पुरता जामीन मंजूर करावा, अशी मागणी त्यांनी अर्जाद्वारे केली होती; मात्र न्यायालयाने तो फेटाळला आहे. विशेष न्यायमूर्ती डी. इ. कोथळीकर यांनी तेलतुंबडे यांना तळोजा कारागृहात ठेवण्याचे आदेश दिले. तसेच त्यांच्या प्रक्रुतीची वैद्यकीय तपासणी करून रविवारी अहवाल दाखल करण्याचे निर्देश कारागृह प्रशासनाला दिले आहेत.

Teltumbde has been remanded in judicial custody till May 8