डोंबिवली : ठाकुर्ली उड्डाणपुलावर (Thakurli overbridge) उताराला खड्डे पडले आहेत. खड्ड्यांमुळे वाहनांचा वेग मंदावल्याने येथे मोठी वाहतूक कोंडी होत असते. या ठिकाणी मास्टिक अस्फाल्टचा (mastic asphalt) थर देण्यात येणार आहे. त्यामुळे २१ आणि २२ फेब्रुवारी असे दोन दिवस ठाकुर्ली उड्डाणपूल वाहतुकीसाठी बंद (Over bridge closed for two days) ठेवण्यात येणार आहे.

घरडा सर्कल, मंजुनाथ शाळेच्या दिशेने येणारी व ठाकुर्ली उद्याणपुलामार्गे डोबिवली पश्चिमेस जाणाऱ्या वाहतुकीचा जोशी हायस्कूल येथे प्रवेश बंद करत, ती वाहतूक टिळक चौक पाटणकर रोड चाररस्ता मार्गे गिरनार चौक, म्हाळगी चौक, एस. के. पाटील चौकातून कोपर उड्डाणपूलमार्गे डोंबिवली पश्चिमेस जातील.

ठाकुर्लीकडून येणारी वाहने कानविंदे चौकातून फडके रोडने इंदिरा चौक मार्ग ग्रीन चौकातून उजवीकडे वळण घेऊन विष्णुशास्त्री चिपळूणकर मार्गाने वामन दिनकर जोशी चौकातून एस. के. पाटील चौकमार्गे कोपर उड्डाणपुलावरून डोंबिवली पश्चिमेस इच्छितस्थळी जातील.