मुंबईः मुंबईप्रमाणेच ठाणे जिल्ह्यातही पावसाने जोरदार हजेरी लावली आहे. ठाणे, कल्याण, डोंबिवली आणि बदलापूरमध्ये पावसाने धुमाकूळ घातला आहे. ठाण्यात घोडबंदर येथे पाणी साचल्याने या भागात वाहनांच्या लांबच लांब रांगा लागल्याने वाहतुकीची मोठी कोंडी झाली आहे. अशातच या पावसानं ठाण्यात पहिला बळी घेतला आहे. घोडबंदर रोडवर एका अज्ञात व्यक्तीचा मृत्यू झाला आहे.
विजेच्या पोलचा धक्का लागून या व्यक्तीचा मृत्यू झाल्याची घटना घडली आहे. ठाण्यातील घोडबंदर रोडवरील ओवळा हनुमान मंदिराजवळ हा प्रकार दुर्देवी प्रकार घडला. या ठिकाणी रस्त्यावरील विद्युत खांबामध्ये अचानक वीज प्रवाह उतरला होता. खांबाला स्पर्श झाल्यामुळे एका अज्ञात व्यक्तीचा मृत्यू झाल्याची माहिती समोर आली आहे. अद्याप या मृत व्यक्तीची ओळख पटली नसून या व्यक्तीचा मृतदेह शासकीय रुग्णालयात पाठवण्यात आला आहे.
दरम्यान घोडबंदर रोड येथील तुळशी धाम येथे झाडं आणि विद्युत पोल कोसळला आहे. सुदैवाने या दुर्घटनेत कोणतीही जीवितहानी झाली नसल्याची माहिती समोर आली आहे. घटनास्थळी आपत्ती व्यवसाथपन आणि अग्निशमन दलाचे जवान रवाना झालेत.
दुसरीकडे येणाऱ्या ४८ तासात मुंबईसह ठाण्यात अतिवृष्टी होणार असल्याचा इशारा हवामान खात्याने दिला आहे. हवामान खात्याने रेड अॅलर्ट जारी केला असून नागरिकांना गरज नसताना घराच्याबाहेर न पडण्याचं आवाहन करण्यात आलं आहे. तसंच मच्छिमारांनाही समुद्रात न जाण्याचं आवाहन केलं आहे.
Thane one man died due electric shock Heavy rain Update
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.