महाड : महाड तालुक्‍यात केवळ 15 दिवसांत कोरोनाची तिसरा रुग्ण आढल्याने शहर व ग्रामीण भागात भीतीचे वातावरण पसरले आहे. तालुक्‍यातील कोकरे तर्फे नाते मोरेवाडी येथील एका 65 वर्षीय व्यक्तीची कोरोना टेस्ट आज पॉझिटीव्ह आली आहे. तालुक्‍यातील हा तिसरा पॉझिटीव्ह रुग्ण आहे. एका महिलेचा या पूर्वी मृत्यू झाला आहे. सरकारी यंत्रणा तातडीने घटनास्थळी पोहचली असून हा परिसर कोरोनाबाधीत क्षेत्र म्हणून घोषित केला आहे. 

हे वाचा : कॉंग्रेसच्या साहसवादाला विरोध 

महाड तालुक्‍यातील कोकरे तर्फे नाते गावातील 65 वर्षीय अर्धांगवायूचा झटका आल्याने त्यांना माणगाव येथील एका खासगी रुग्णालयात 5 मे रोजी दाखल करण्यात आले होते. येथे त्यांना सुका खोकला, सर्दी अशी लक्षणे आढळून आल्याने त्यांची स्वॅब टेस्ट करण्यात आली होती. ही चाचणी पॉझिटीव्ह आली आहे. दरम्यान या रुग्णाला या रुग्णालयातून 7 रोजी घरी सोडण्यात आले होते. आता कोरोना रिपोर्ट पॉंझिटिव्ह आल्याने प्रशासनाची धावपळ सुरु झाली आहे. घरातून रुग्णालयात दाखल करणे, रुग्णालये व पुन्हा घरी अशा संपर्कात अनेक जण व रुग्णालय कर्मचारी आल्याने 

हे वाचा : नोकरी मिळत नाही...पण घाबरू नका... 

अनेकांची आता तपासणी करावी लागणार आहे. कोकरे मारे वाडी आणि परिसर आता सील करावा लागणार आहे. दरम्यान तालुका वैद्यकिय अधिकारी डॉं.एजाज बिरादार, सहा.गट विकास अधिकारी सुनील यमगर, विस्तार अधिकारी राहुल मिसाळ आणि व्हि.जी.वाघमोडे यांनी घटनास्थळी भेट दिली आहे. या कोरोना रुग्णाला कस्तुरबा येथे पुढील उपचारासाठी रवाना केले जाणार आहे. महाड तालुक्‍यातील बिरवाडी, शेलटोली गावात व आता हा तिसरा कोरोना पॉझिटीव्ह रुग्ण आढळला आहे. याआधी बिरवाडी येथील महिलेचा केईएम रुग्णालयात मृत्यू झाला होता. तर एक परप्रांतिय कामगार रुग्णावर मुंबईत कोरोनावर उपचार सुरु आहेत. 
.............................................