नवी मुंबई (वार्ताहर) : खारघरमधील एका हॉटेलमध्ये पहाटे स्विगीची ऑर्डर घेण्यासाठी गेलेल्या एका डिलिव्हरी बॉयने हॉटेलचालकाचा १ लाख १० हजार रुपये किमतीचा आयफोन चोरल्याची घटना घडली आहे. चोरीचा हा प्रकार सीसी टीव्हीमध्ये कैद झाला असल्याने खारघर पोलिसांनी याप्रकरणी डिलिव्हरी बॉयविरोधात गुन्हा दाखल केला आहे.
खारघर, सेक्टर-७ मधील गब्लार्स रुल्स अॅण्ड बाउल्स या हॉटेलमध्ये स्विगीमार्फत आलेली ऑर्डर घेण्यासाठी गेला होता. या वेळी चोरट्याने हॉटेलचालक प्रणव झेमसेला ऑर्डर क्रमांक सांगून पदार्थ तयार आहे का, याबाबत विचारणा केली होती. त्या वेळी झेमसे एकटेच हॉटेलच्या काऊंटरवर असल्यामुळे स्वतः किचनमध्ये गेले असता काऊंटरवर ठेवलेला १ लाख १० हजार रुपये किमतीचा आयफोन चोरला होता. काही वेळानंतर झेमसे किचनमधून बाहेर आल्यानंतर काऊंटरवर मोबाईल नसल्याचे त्याच्या निदर्शनास आले. त्यामुळे झेमसे याने हॉटेलमधील सीसी टीव्हीतील चित्रणाची तपासणी केली डिलिव्हरी बॉयने त्याचा मोबाईल फोन खिशात टाकून पलायन केल्याचे आढळून आले होते.