Ram Mandir: अयोध्येत २२ जानेवारी रोजी पंतप्रधान नरेंद्र मोदी यांच्या हस्ते होणाऱ्या श्री राम मंदिराचे उद्‍घाटन व प्राणप्रतिष्ठा सोहळ्यामुळे देशभरात उत्साहाचे वातावरण आहे.

यानिमित्त भाजपचे नेते शुभ्रांशू दीक्षित यांनी घाटकोपर असल्फा येथील पंचरत्न गृहनिर्माण संस्थेच्या पक्ष कार्यालयात सुंदरकांड पाठाचे आयोजन केले होते. या कार्यक्रमात भाजप खासदार पूनम महाजन आणि भाजपचे मुंबई सरचिटणीस संजय उपाध्याय यांनी १०८ पंडितांना भगवान श्रीराम यांच्या १००८ मूर्तींचे वाटप करून कारसेवक आणि रामभक्तांचा गौरव केला.

सुंदरकांड पठणानंतर महाप्रसादाचे वाटप करण्यात आले. या कार्यक्रमात एक हजारहून अधिक रामभक्त सहभागी झाले होते. ५०० वर्षांनंतर राम मंदिराचा अभिषेक होत असल्याने संपूर्ण देशात आनंदाचे वातावरण असल्याचे शुभ्रांशू दीक्षित यांनी सांगितले.