Thane Crime: तीन हजार रुपयांच्या वादातून झालेल्या धक्काबुक्कीत एकाच्या डोक्याला गंभीर दुखापत झाली. या धक्काबुक्कीत गंभीर जखमी झालेल्या विजय शामबिहारी पांडे (५४) यांना उपचारासाठी रुग्णालयात दाखल करण्यात आले होते.

मात्र उपचारादरम्यान पांडे यांचा मृत्यू झाला. याप्रकरणी श्रीनगर पोलिस ठाण्यात गुन्हा दाखल करण्यात आला असून मृत्यूला कारणीभूत ठरलेल्या आरोपी राजकुमार गुप्ता आणि रोहित गुप्ता यांना अटक केली आहे.

विजय शामबिहारी पांडे यांचा आरोपी राजकुमार गुप्ता यांच्याशी आर्थिक व्यवहार होता. पांडे यांना तीन हजार रुपये न दिल्याच्या कारणावरून आरोपी आणि पांडे यांच्यात शाब्दिक चकमक झाली; तर आरोपींनी पांडे यांना शिवीगाळ करीत मारहाण करण्याचा प्रयत्न केला.

या धक्काबुक्कीत पांडे हे जमिनीवर खाली पडले आणि त्याच्या डोक्याला गंभीर दुखापत झाली. त्यांना त्वरित क्रिटीकेअर रुग्णालयात उपचारासाठी दाखल करण्यात आले; मात्र पांडे यांचा उपचारा दरम्यान मृत्यू झाला.