Railway News: मध्य रेल्वेच्या कल्याण ते कसारा स्थानकांदरम्यान विविध पायाभूत सुविधांच्या कामासाठी आज शनिवारी (ता. २) रात्री वाहतूक आणि पॉवर ब्लॉक घेण्यात येणार आहे. त्यामुळे कल्याण ते कसारादरम्यान अनेक लोकल आणि मेल-एक्स्प्रेसच्या वाहतुकीत बदल करण्यात आला आहे.(mumbai Local News)

मध्य रेल्वेने दिलेल्या माहितीनुसार, ब्लॉकदरम्यान खडवली ते वासिंद, आसनगाव ते आटगाव आणि शहाड ते आंबिवली स्थानकांदरम्यान पादचारी पुलाचे गर्डर टाकण्यासाठी वाहतूक आणि पॉवर ब्लॉक घेण्यात येणार आहे. रात्री १२.४५ ते रविवारी पहाटे ५.१५ वाजेपर्यंत पुलाचे काम करण्यात येणार आहे. त्यामुळे सीएसएमटीहून रात्री १२.१५ वाजता सुटणारी कसारा लोकल ठाणे स्थानकापर्यंतच चालविण्यात येणार आहे, तर कसारा स्थानकातून पहाटे ३.५१ वाजता सुटणारी सीएसएमटी लोकल ठाणे स्थानकातून धावणार आहे.

याशिवाय मेल-एक्स्प्रेसच्या वाहतुकीत बदल केला आहे. ट्रेन क्रमांक १२१०६ गोंदिया-सीएसएमटी विदर्भ एक्स्प्रेस गोदिंया स्थानकातून दोन तास उशिरा निघणार आहे. ट्रेन क्रमांक १२१४१ एलटीटी-पाटलीपुत्र एक्स्प्रेस पहाटे ३.४५ वाजता, ट्रेन क्रमांक ११०५७ सीएसएमटी-अमृतसर एक्स्प्रेस पहाटे ३.५५ वाजता,(Railway Trains Are Late)

ट्रेन क्रमांक १२८११ एलटीटी-हटिया एक्स्प्रेस पहाटे ४.१० वाजता, ट्रेन क्रमांक २२१७७ सीएसएमटी-वाराणसी महानगरी एक्स्प्रेस पहाटे ४.२० वाजता, ट्रेन क्रमांक २२५३८ एलटीटी-गोरखपूर कुशीनगर एक्स्प्रेस पहाटे ४.३५ वाजता चालविण्यात येणार आहे.

ब्लॉकमुळे मुंबईकडे येणाऱ्या मेल-एक्स्प्रेस गाड्यांना खर्डी, आटगाव, कसारा, इगतपुरी आणि भुसावळ स्थानकात थांबविण्यात येणार आहे. त्यामुळे शालिमार-एलटीटी एक्स्प्रेस, हावडा-सीएसएमटी एक्स्प्रेस, गोरखपूर-एलटीटी एक्स्प्रेस, आदिलाबाद- सीएसएमटी नंदीग्राम एक्स्प्रेस, अमरावती-सीएसएमटी एक्स्प्रेस, सिंकदराबाद-सीएसएमटी देवगिरी एक्स्प्रेस, हजरत निजामुद्दीन-एर्नाकुलम मंगला एक्स्प्रेस, फिरोजपूर-सीएसएमटी- पंजाब मेल आपल्या निर्धारित वेळेपेक्षा उशिराने मुंबईत पोहचणार आहे.(mumbai railway news)