कृषी केंद्राला विद्यार्थ्यांची भेट
वानगाव, ता. १ (बातमीदार) : ग्रामीण विकास, शेती विषयांचे प्रात्यक्षिक ज्ञान विद्यार्थ्यांना अनुभवातून मिळावे, या उद्देशाने सेंट जोसेफ विद्यालयाच्या ग्रामीण विकास विभागातर्फे डहाणू येथील गोखले एज्युकेशन सोसायटीच्या कृषी विज्ञान केंद्रास शैक्षणिक अभ्यास सहल काढण्यात आली होती. प्रा. डॉ. महेंद्र जीवन कडू, प्रा. सोनल सावर नेतृत्वाखाली ही सहल पार पडली.
आधुनिक शेती तंत्रज्ञान, सेंद्रिय शेती, पीक व्यवस्थापन तसेच शेतीपूरक व्यवसाय याविषयी त्यांनी सविस्तर माहिती दिली. डॉ. जाधव यांनी सांगितले की कृषी विज्ञान केंद्रामार्फत विविध शेतीपूरक व्यवसायांचे प्रशिक्षण दिले जाते. या प्रशिक्षणाचा लाभ घेऊन युवकांनी शेळीपालन, कुक्कुटपालन, दुग्धव्यवसाय, मशरूम उत्पादन, चिकू प्रक्रिया उद्योग, सेंद्रिय खत निर्मिती यांसारखे व्यवसाय सुरू करून स्वयंरोजगाराची वाटचाल केली आहे. विशेषतः महिला बचत गटांना दिलेल्या मार्गदर्शनामुळे अनेक महिलांनी चिकू प्रक्रिया, मशरूम प्रक्रिया, सेंद्रिय शेती, मधुमक्षिका पालन व फलोद्यान यांसारखे व्यवसाय यशस्वीपणे उभारले असून त्यांच्या आर्थिक स्वावलंबनात लक्षणीय वाढ झाली आहे.