रोहा : मुंबई-गोवा महामार्ग रुंदीकरणाच्या कामात अडथळा ठरणारी कोलाड येथील झाडे तोडण्यात आली आहेत. 
मुंबई

कोणी सावली देईल का?

सकाळ वृत्तसेवा

रोहा (बातमीदार) : मुंबई-गोवा महामार्ग रुंदीकरणाच्या कामात अडथळा ठरणारी कोलाड येथील सुमारे ४० ते ५० वर्षे जुने मोठे वृक्ष शनिवारी तोडण्यात आले. अर्धशतकापासून सावली देणारी झाडे तोडल्याने कोलाडवासीयांनी सावली हरपल्याच्या भावना व्यक्त केल्या. 

२०११ मध्ये सुरू झालेल्या मुंबई-गोवा महामार्ग चौपदरीकरणाचे काम अजूनही अपूर्ण आहे. या कामात अडथळा ठरू शकणारी शेकडो झाडे आजपर्यंत तोडण्यात आली. यापैकी काही झाडे ही अर्धशतकापासून वाटसरू व नागरिकांना सावली देत होती. कोलाड हे मुंबई- गोवा व पुणे-रोहा रस्त्यावरील महत्त्वाचे गाव असून या ठिकाणी रस्त्याच्या कडेला काही वृक्ष गेल्या ४० ते ५० वर्षांपासून आहेत. कोलाडमधील आंबेवाडी नाक्‍यावर जुनी झाडे येथील फेरीवाले, वाटसरू, बसची वाट पाहणारे प्रवासी, विद्यार्थी व नागरिकांना कायम आधार वाटायची. जोराचा वारा, पाऊस असल्यास वाटसरू या झाडांच्या आडोशाला उभे राहून संरक्षण करायचे.

ऐन उन्हाळ्यात त्यांच्या सावलीचा आधार होता. त्यामुळे ही झाडे तुटल्याने दुःख होत असल्याच्या भावना कोलाड येथील ज्येष्ठ नागरिक बळीराम अडीतकर यांनी व्यक्त केल्या. या झाडांपैकी काही झाडे फायकस प्रकारातील, तर काही रेन ट्री होती. 

त्यामुळे या झाडांवर पक्ष्यांचा कायम वावर असायचा. ही झाडे तोडल्याने पक्ष्यांचा किलबिलाट मुका झाला आहे. मात्र विकासाच्या वेगात असे कित्येक मंजूळ आवाज दबून जाणे क्रमप्राप्तच असते, अशा भावना कोलाड येथील निवृत्त वन अधिकारी वसंत साबळे यांनी व्यक्त केल्या. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Latest Marathi News Updates : पुण्यात महिलेच्या सूपमध्ये सापडले झुरळ

Pratap Sarnaik: आता नियमांचे उल्लंघन करणाऱ्या चालकांवर बसणार कारवाईचा चाप, परिवहन मंत्र्यांचे निर्देश

मराठी नाट्य परिषदेतर्फे खुल्या राज्यस्तरीय एकांकिका स्पर्धेचं आयोजन; कुठे कराल अर्ज? वाचा नियम व अटी

API Duty: आता उपचार स्वस्त होणार! औषधांच्या किमतीबाबत सरकार मोठा निर्णय घेण्याच्या तयारीत, कुणाला फायदा?

SCROLL FOR NEXT