धारावी : कोरोनाच्या वाढत्या प्रादुर्भावामुळे मुंबई शहरातील जवळपास सर्वच भाग रेड झोनमध्ये असताना मुंबई शहरातील पारंपरिक आदिवासी पाड्यांवर मात्र, अद्यापही कोरोनाचा एकही रुग्ण आढणून आलेला नाही. त्यामागे श्रमिक मुक्ती आंदोलन व कष्टकरी शेतकरी संघटनेतर्फे लॉकडाऊनच्या पहिल्या दिवसापासून केलेले उत्तम नियोजन हे कारण आहे.
संघटनेचे प्रमुख विठ्ठल लाड यांच्या मार्गदर्शनाखाली पाड्यावर महिला, षुरूष कार्यकर्त्यांचे गट बनवून त्यांना कोरोना आजाराचे गांभीर्य लक्षात आणून दिले गेले. फक्त शासकीय सूचनांचे पालन करणे आवश्यक असल्याचे समजावून सांगितले. तसेच बाहेरील व्यक्ती पाड्यावर येवू नये, म्हणून केलेले प्रयत्न आणि पाड्यावरील स्वच्छता. यामुळे आदिवासी पाडे कोरोनापासून सुरक्षीत राहिले आहेत.
आरे कॉलनी, नॅशनल पार्क, गोराई गाव, मढ आयलंड, मुलूंड- भांडुपचा नॅशनल पार्क भाग या परिसरातील ११० पेक्षा अधिक आदिवासी पाड्यांमध्ये अद्याप एकही कोरोना रूग्ण आढळल्याची नोंद नाही. निसर्गानुरूप स्वच्छ राहण्याची सवय असल्याने मुंबईतील आदिवासी समाज कोरोनाला त्यांच्यापासून दोन हात दूर ठेऊ शकला आहे.
संघटनांतर्फे जीवनावश्यक वस्तूंचे वाटप
आदिवासींनी आपल्या संघटनांच्या मदतीने तसेच विविध सामाजिक संस्थांच्या मदतीने जवळपास सर्वच आदिवासी पाड्यांत धान्य, मास्क, साबण व तेल यांसारख्या जीवनावश्यक वस्तूंचे वाटप केले आहे, जे अद्याप चालू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.