Thane Latest Update | गटारांवरील नादुरुस्त,दुरवस्था झालेल्या व तुटलेल्या अवस्थेत असलेल्या झाकणांना आता एका फोनवर बदलण्याचा सकारात्मक निर्णय उल्हासनगर महानगरपालिका आयुक्त डॉ.अझिझ शेख यांच्या मार्गदर्शनाखाली अतिरिक्त आयुक्त किशोर गवस यांनी घेतला आहे.

त्यासाठी सार्वजनिक बांधकाम विभागाचे शहर अभियंता,उपअभियंता,कनिष्ठ अभियंता यांचे वॉट्सअप हेल्पलाईन नंबर जाहीर केले आहेत.

शहरात वसावसाहतीत गटारे बांधण्यात आलेली त्यावर चेंबर्स टाकण्यात आली असून त्यांची संख्या अनगिनत आहे.चेंबर्स वरील झाकणे निखळली,तुटली तर त्यावरुन चालताना अनेकदा दुर्घटना घडण्याची शक्यता असते.हा सर्व विचार करून आयुक्त डॉ. अझिझ शेख यांच्या मार्गदर्शनाखाली अतिरिक्त आयुक्त किशोर गवस यांनी सार्वजनिक बांधकाम विभागाकडे प्रभागनिहाय चेंबर्सची जबाबदारी सोपवली आहे.

त्यासाठी शहर अभियंता तरुण शेवकानी,उपअभियंता संदीप जाधव,कनिष्ठ अभियंता कोमल आशान,रुचिका कारंडे,राहुल जाधव,पल्लवी वैरागर,हर्षद प्रधान यांचे वॉट्सअप हेल्पलाईन नंबर जाहीर केले आहेत.

आपण राहत असलेल्या परिसरात गटारा वरील चेंबरची झाकणे नादुरूस्त झाली असतील किंवा चेंबर कव्हर नाहीत अशा ठिकाणाचे फोटो खाली दिलेल्या भ्रमणध्वनी वर (मोबाईल नंबर) वर वॉट्सअप वर टाकल्यास महानगरपालिके मार्फत सदरचे झाकण बदलणे सोईस्कर होईल व पुढील अनुचित घटना टाळता येईल असे आवाहन किशोर गवस यांनी केले आहे.