मुंबई- भाजप नेत्या चित्रा वाघ यांनी पत्रकार परिषद घेऊन ठाकरे गटावर गंभीर आरोप केले आहेत. ठाकरे गटाच्या जाहिरातीमध्ये एका पॉर्नस्टारचा वापर केला गेला असल्याचा दावा चित्रा वाघ यांनी केला आहे. त्यांनी या वेळी काही फोटो देखील दाखवले आहेत. निवडणुकीच्या पार्श्वभूमीवर भाजप या मुद्द्यावरून आक्रमक होण्याची शक्यता आहे.

नवीन संस्कृती आणण्याचा किळसवाणा प्रकार उद्धव ठाकरे गटाने केला आहे. ठाकरे गटाच्या ज्या जाहिराती येत असतात. त्यात अदुबाळ नाईटलाईफ प्रोडक्शन प्रायव्हेट कंपनीच्या उबाठाच्या जाहिरातीमध्ये जे पात्र आहे ते पॉर्नस्टारचं आहे, असं त्या म्हणाल्या आहेत.

ठाकरे गट राज्यात पॉर्न संस्कृती आणण्याचा प्रयत्न करत आहे. ठाकरे गटाच्या जाहिरातीमधील पात्र पॉर्नस्टार आहे. तोच पॉर्नस्टार विचारतो की, महिलांचे अत्याचार कधी थांबणार? हाच पॉर्नस्टार लहान वयांच्या मुलीसोबत अश्लील चित्रण करतो. बापाची भूमिका करणारा हा व्यक्ती उल्लू ऍपवरती घाणेरडे कृत्य करताणाच्या क्लिप आहेत, असं त्या म्हणाल्या.

महाराष्ट्रातील एक महिला म्हणून आई, माता, मुलगी म्हणून माझी मान शरमेनं खाली गेली आहे. निवडणुकीच्या काळात उद्धव बाळासाहेब ठाकरे यांच्याकडून कायम महिलांचा अपमान करण्यात आला आहे. अमरावतीमधील महायुतीच्या उमेदवार असू द्या. ठाकरे गटाच्या नेत्यांनी महिलांचा अपमान वांरवार केला आहे, असं वाघ म्हणाल्या.

मला ठाकरेंना विचारायचं आहे. छत्रपती महाराजांच्या राज्यात कोणती संस्कृती आणण्याचा आपण प्रयत्न करत आहात. अशा प्रकारच्या बाप जाहिरातीमध्ये वापरून आपण बाप असल्याचं दाखवणार आहात का? असं चित्रा वाघ म्हणाल्या.

ही जाहिरात तयार करणारी कंपनी कोणती. त्यांचा आणि पॉर्नस्टारचा काय संबंध आहे असा सवाल चित्रा वाघ यांनी केला आहे. चित्रा वाघ यांनी यावेळी एक फोटो देखील समोर आणला आहे. संबंधित व्यक्ती हा पॉर्नस्टार असल्याचा दावा त्यांनी केला आहे. त्यामुळे हे प्रकरण तापण्याची शक्यता आहे.