मुंबई : पुण्यातील एल्गार परिषद प्रकरणात अटकेत असलेले कवी वरवरा राव यांनी कोव्हिडची लागण झाल्यानंतर जे.जे.रुग्णालयात ठेवण्यात आले होते. पुढील उपचारासाठी नानावटी रुग्णालयात हलविण्यात आले आहे.
वरवरा राव यांना चांगले उपचार मिळावेत यासाठी मानवाधिकार आयोगाकडे तक्रार करण्यात आली होती. त्याची दखल घेऊन वरवरा यांना सर्व सुविधा असलेल्या खासगी रुग्णालयात पाठवण्यात यावे, असे राष्ट्रीय मानवाधिकार आयोगाने राज्य सरकारला म्हटले आहे.
सामाजिक कार्यकर्ते आणि कवी असलेले वरवरा राव हे 80 वर्षाचे असून, एल्गार परिषद प्रकरणात ते आरोपी आहेत. त्याप्रकरणी ते तळोजा तुरुगांत ठेवण्यात आले होते. काही दिवसापासून प्रकृती खालावल्यामुळे त्यांना जे जे रुग्णालयात हलवण्यात आले. गेल्या आठवड्यात राव यांच्या कुटुंबियांनी पत्रकार परिषद घेऊन त्यांची प्रकृती ढासळत असल्याचा आरोप केला होता. राव यांना तातडीने वैद्यकीय मदत देण्याची मागणी या पत्रकारपरिषदेच्या माध्यमातून करण्यात आली होती. यापूर्वी मे महिन्यात तळोजा तुरुंगात राव चक्कर येऊन कोसळल्याने त्यांना जे जे रुग्णालयात उपचारासाठी दाखल करण्यात आले होते.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.