मुंबई : कोरोनाचा प्रादुर्भाव रोखण्यासाठी के पश्चिम विभागातील वर्सोवा, जुहू गावासह सात वस्त्या सील करण्याचा निर्णय महापालिकेने घेतला आहे. या वस्त्यांमध्ये एक लाख 20 हजारांहून अधिक लोकसंख्या आहे.

के पश्चिम म्हणजे विलेपार्ले ते जोगेश्वरीपर्यंतच्या पश्चिमेकडील भागातील 255 ठिकाणे प्रतिबंधित करण्यात आली आहेत. त्यापैकी 73 ठिकाणे झोपडपट्ट्यांमधील आहेत. या झोपडपट्ट्यांमधून कोरोनाचा प्रसार रोखण्यासाठी महापालिकेने संपूर्ण परिसर सील करण्याचा निर्णय घेतला आहे.

चंद्रकांत पाटील का म्हणतायत, "नाथाभाऊंनी आम्हाला दोन थोबाडीत माराव्या"

वर्सोवा गाव, जुहू कोळीवाडा, आनंद नगर, जुनेद नगर, गावदेवी डोंगरी (गिल्बर्ट हिल), जुहू गल्ली हे भाग सील करण्यात येतील, असे महापालिकेकडून सांगण्यात आले. जुहू कोळीवाड्यातील कोरोनाचा प्रसार नियंत्रणात आहे. या भागांमधून नवे रुग्ण येणार नाहीत, याची खबरदारी घेण्यासाठी महापालिकेने हा निर्णय घेतला आहे.

एखादा परिसर सील केल्यानंतर तेथील रहिवाशांच्या अत्यावश्यक गरजा पूर्ण करण्याचे आव्हान असते. त्यासाठी सध्या नियोजन करण्यात येत असून, पोलिसांनाही सूचना देण्यात आल्या आहेत.

मुख्यमंत्री म्हणून नाही तर शिवसेना पक्षप्रमुख म्हणून उद्धव ठाकरेंनी दिलेत 'हे' आदेश

स्वच्छतागृहांची साफसफाई : 

सील केलेल्या भागात झोपडपट्ट्या असल्याने सार्वजनिक स्वच्छतागृहांची स्वच्छता ठेवणे गरजेचे आहे. प्रत्येक स्वच्छतागृहाच्या स्वच्छतेसाठी एका कामगाराची नियुक्ती करण्यात येणार आहे. त्याचप्रमाणे निर्जंतुकीकरणही करण्यात येईल, असे सांगण्यात आले.

versova juhu gaon and seven different localities will be sealed and andheri pattern will be implemented