मुंबई : राज्य सरकारने अत्यावश्यक सेवा देणाऱ्या कर्मचाऱ्यांसाठी लोकल प्रवासाची मुभा देण्यात आली आहे. त्यापैकी पश्चिम रेल्वे मार्गावर सध्या 506 विशेष उपनगरीय लोकल सेवा सुरू आहे. त्यातून दररोज सुमारे अडीच लाख अत्यावश्यक सेवेतील कर्मचारी प्रवास करतात. यापैकी काहीच प्रवाशांना आतापर्यंत क्युआरकोड देण्यात आले आहे. तर अर्ध्यापेक्षा जास्त प्रवाशांना क्युआर कोड न मिळाल्याने अद्यापही ओळख पत्र दाखवूनच लोकल प्रवास करावा लागतो आहे. अशा परिस्थितीत काही खासगी कर्मचाऱी आणि इतर प्रवासी बनावट ओळख पत्र तयार करून लोकल प्रवास करत असल्याने पश्चिम रेल्वे विशेष तिकीट तपासणी मोहीम हाती घेतली आहे. 

कोरोनामुळे कर्करोगासारखे आजार बळावले; आरोग्याकडे दुर्लक्ष न करण्याचा तज्ज्ञांचा सल्ला 

या मोहीमेमध्ये  20 पेक्षा जास्त प्रवाशांचे ओळख पत्र बनावट असल्याचे आढळून आले असून, त्यांच्यावर कारवाई करण्यात आली आहे. यामध्ये 15 जून ते 2 ऑक्टोबरपर्यंत विविध प्रकरणांमध्ये जीआरपी पोलिसांनी एकूण पाच प्रकरणांमध्ये गुन्हा दाखल केला आहे. तर विनातिकीट बुकिंग न करता सामान वाहतूक करणारे 4,555 प्रकरण दाखल केले असून, सुमारे 23.25 लाख रूपयांचा दंड वसूल करण्यात आला आहे. 

सुशांतसिंग प्रकरणी आमचा तपास योग्यच; आयुक्तांचा मुंबई पोलिसांच्या तपासावर शिक्कामोर्तब

राज्य सरकारने निश्चित करून दिलेल्या विभागातील अत्यावश्यक सेवेतील कर्मचाऱ्यांची यादी रेल्वे विभागाला दिली आहे. त्याच कर्मचाऱ्यांना सध्या लोकलने प्रवास करण्याची मुभा आहे. त्यामुळे इतर कोणत्याही प्रवाशांनी लोकल प्रवास करण्याचा प्रयत्न करू नये, अन्यथा संबंधीत प्रवासी कायदेशीर कारवाई पात्र ठरणार असल्याचे आवाहन पश्चिम रेल्वे प्रशासनाने केले आहे. मात्र, त्याव्यतिरीक्त इतर प्रवासी बनावट ओळख पत्र तयार करून अवैधरित्या लोकल प्रवास करत असल्याने सुमारे 20 पेक्षा जास्त प्रवाशांवर पश्चिम रेल्वे प्रशासनाने कारवाई केली आहे. 
---
संपादन : ऋषिराज तायडे