मुंबई: कोरोना प्रतिबंधक लस वितरणामध्ये महाराष्ट्राबरोबर दुजाभाव का केला जातोय? असा सवाल राज्याचे आरोग्यमंत्री राजेश टोपे यांनी उपस्थित केला आहे. त्यांनी आज दुपारी पत्रकार परिषद घेतली. केंद्र सरकारकडून लस वितरणात राज्यांमध्ये कशा पद्धतीने दुजाभाव केला जातोय, ते आकडेवारीनिशी मांडले. महाराष्ट्राला फक्त ७.५० लाख लसी देण्यात आल्या आहेत. तेच उत्तर प्रदेशला ४८ लाख, हरियाणाला २४ लाख आणि गुजरातला ३० लाख लसी देण्यात आल्याचे त्यांनी सांगितले.
"महाराष्ट्राची लोकसंख्या १२ कोटी आहे. सक्रीय रुग्णसंख्या ४.५० लाख आहे. ५७ हजार मृत्यू झाले आहेत. बाधित रुग्णांची संख्या ३० लाखाच्या घरात आहे. पॉझिटिव्हीटी रेट २० ते २५ टक्के असताना, आम्हाला फक्त साडेसात लाख लसी कशा दिल्या?" असा सवाल राजेश टोपे यांनी विचारला आहे.
"मी लगेचच या बद्दल केंद्रीय आरोग्य मंत्री डॉ. हर्षवर्धन यांच्याशी फोनवरुन बोललो. त्यांनी मला विश्वास दिलाय की, महाराष्ट्राला लसीची कमतरता पडू देणार नाही. अधिकाऱ्यांशी बोलून ते आवश्यक सूचना देतील असे त्यांनी मला सांगितले आहे" असे राजेश टोपे म्हणाले. "महाराष्ट्राला सात दिवसाला ४० लाख लसींची आवश्यकता आहे. महाराष्ट्राला महिन्याला १ कोटी ६० लसीच्या डोसची आवश्यकता आहे, तरच आवश्यक गती राखली जाईल. लसी नसल्यामुळे सातारा, सांगली आणि पनवेल येथे लसीकरण बंद आहे" असे टोपे म्हणाले.
महाराष्ट्रात सक्रीय रुग्णांची संख्या जास्त असताना फक्त ७.५० लाख लसी आणि अन्य राज्यांना ३० ते ४० लाख लसी या भेदभावाकडे त्यांनी लक्ष वेधले. लसीकरणात महाराष्ट्र पहिल्या स्थानी आहे. आम्ही लसीकरण दिवसाला सहा लाखाच्या पुढे वाढवणार नाही असे त्यांनी सांगितले.
"बाहेर देशांमध्ये लस पाठवण्याऐवजी आज आपल्या राज्याला गरज आहे. कोरोनाला रोखण्यासाठी लसीकरण हाच एकमेव राजमार्ग आहे, तरच हर्ड इम्युनिटी आणता येईल" असे त्यांनी सांगितले. "अमेरिकेने १८ वर्षापुढील वयोगटासाठी लसीकरण सुरु केलय. १८ ते ४५ हा सर्वात जास्त बाहेर फिरणारा वयोगट आहे आणि हाच वयोगट इतरांना इन्फेक्ट करतो. त्यामुळे १८ वर्षापुढील वयोगटासाठी लसीकरण सुरु करण्याची त्यांनी मागणी केली. गुजरातची लोकसंख्या ६ कोटी आतापर्यंत त्यांना लसीचे १ कोटी डोस दिले. मग महाराष्ट्राची लोकसंख्या गुजरातच्या दुप्पट १२ कोटी असताना फक्त १ कोटी ४ लाख लसीचे डोस दिले आहेत" याकडे राजेश टोपे यांनी लक्ष वेधले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.