मुंबई : दहावी-बारावीच्या परीक्षा जवळ आल्या असतानाच मुंबईतील शाळांमध्ये शनिवारी (ता. 8) शिक्षकांचा शुकशुकाट आढळण्याची शक्‍यता आहे. भाजपप्रणीत महाराष्ट्र राज्य शिक्षक परिषद आणि शिक्षक आमदार कपिल पाटील यांच्या शिक्षक भारती या दोन्ही संघटनांची अधिवेशने मुंबईत होत आहेत. त्यासाठी शेकडो शिक्षक अर्जित रजा घेणार असल्याचे समजते.

मोठी बातमी पंकजा मुंडे यांच्यावर भाजप सोपवणार 'ही' मोठी जबाबदारी, मोठं प्रमोशन?

शिक्षक भारती आणि शिक्षक परिषद यांच्या अधिवेशनांना उपस्थित राहण्यासाठी शिक्षकांना अर्जित रजा देण्याचा निर्णय शिक्षण विभागाने घेतला आहे. अधिवेशनाला सर्वाधिक शिक्षक उपस्थित राहावेत, यासाठी या संघटनांनी मोर्चेबांधणी केली आहे. त्यामुळे शनिवारी शहर आणि उपनगरांतील शाळांमधील बहुतेक शिक्षक दोन्ही अधिवेशनांना हजर राहतील. दरम्यान, दहावी-बारावीच्या परीक्षा तोंडावर असताना अधिवेशने घेऊन विद्यार्थ्यांचे नुकसान करणे योग्य नसल्याचे अनेक शिक्षक खासगीत बोलत आहेत.

महत्वाची बातमी फडणवीसांच्या गळ्यात देशाच्या अर्थमंत्रीपदाची माळ ? पुढचा अर्थसंकल्प सादर करण्याची शक्यता..

शिक्षक भारतीचे अधिवेशन शनिवारी वडाळा येथील नायगाव क्रॉस रोडजवळील मुंबई शारीरिक शिक्षण मंडळाचे भारतीय क्रीडा मंदिर स्टेडियम येथे होत आहे. या अधिवेशनाला राष्ट्रवादी कॉंग्रेसचे अध्यक्ष शरद पवार, शिवसेना खासदार संजय राऊत, शालेय शिक्षणमंत्री वर्षा गायकवाड, सामाजिक न्यायमंत्री धनंजय मुंडे, उच्च व तंत्रशिक्षण मंत्री उदय सामंत आदी मान्यवर उपस्थित राहतील. महाराष्ट्र राज्य शिक्षक परिषदेचे मुंबई विभागीय अधिवेशन माटुंगा येथील यशवंतराव चव्हाण नाट्यसंकुलात होत आहे. या अधिवेशनाला माजी शिक्षणमंत्री आशीष शेलार, साहित्यिक डॉ. सदानंद मोरे, शिक्षक आमदार नागो गाणार आदी उपस्थित राहणार आहेत.

Will schools be filled in Mumbai today but without teachers?