नांदेड : लॉकडाउनमध्ये अडकुन पडलेल्या परप्रांतियांची जेवणाची आणि राहण्याची गैरसौय होत आहे हे सर्वश्रुत आहे. परंतु, जे स्थानिक रहिवाशी आहेत. अनेक वर्षांपासून एकाच ठिकाणी राहत आहेत. परंतु, त्यांच्याकडे रेशन कार्डच नाही. अशा सामान्य कुटुंबाकडे घरात खायला अन्नाचा कन सुद्धा नाही. यामुळे त्यांची दोनवेळच्या जेवणाची आबाळ होत आहे. 

सांगवी परिसरातील एका चालकास कोरोनाची बाधा झाल्यापासून हा भाग कंटेन्टमेंट झोन म्हणून जाहीर करण्यात आला आहे. त्यामुळे या परिसरातील नागरिकांना विनाकारण घराबाहेर पडण्यास मज्जाव करण्यात आला आहे. त्यामुळे या भागातील रोजमजुरदारांकडे रेशन कार्ड नाही. म्हणून  त्यांना कुणीही धान्य देत नाही की कुणी मदतीसाठी पुढे येत नसल्याने कुणीतरी आमच्या अन्न पाण्याची सोय करा हो मायबाप असा टाहो या ठिकाणच्या मजुरदार कुटुंबियांकडून होत आहे.   

हेही वाचा- गुड न्यूज : ‘ते’ ३१ रुग्ण आज जाणार घरी

सांगवी परिसरातील काही कुटुंबियांवर आठ दिवसांपासून उपासमारीची वेळ आली आहे. यादरम्यान त्यांनी लोकप्रतिनिधी, विविध पक्षाचे कार्यकर्ते, जिल्हा प्रशासनाशी संपर्क साधला मात्र कुणाकडून काहीच प्रतिसाद मिळत नसल्याने हे कुटुंब अक्षरशः हतबल झाले आहे. त्यांच्या मदतीस ना लोकप्रतिनिधी धावून येत आहेत ना प्रशासन त्यांच्या हकेला ओ देत आहे. 

हेही वाचा-  यामुळे जिल्ह्यातील ‘डेंगी’ आजारी रुग्णसंख्या झाली कमी

काय खावे आणि कसे जगावे

काळ इतका वाईट येईल असे कुणाला ठाऊक होत. आमच्याकडे ना रेशन कार्ड आहे ना खिशात पैसे, दीड महिण्यापासून घरात बंद आहोत. सुरुवातीच्या काळात एका स्वंयसेवी संघटनेकडून पाच किलो धान्याची किट मिळाली. ती किती दिवस जाणार, आठ दिवसांपासून अनेकांना फोन करतोय पण आमच्या प्रश्नाकडे कुणीच लक्ष देत नाही. रेशन दुकानदार दारात उभे करत नाही. आम्ही काम करायला तयार आहोत. पण कामच मिळत नाही, काय खावे आणि कसे जगावे. आम्ही जिल्हाधिकारी यांच्यापर्यंत फोन केले पण उपयोग झाला नाही.
- प्रशांत पाठक (सांगवी)