नांदेड - कोरोना बाधित रुग्णांच्या संपर्कातील व्यक्ती व शाळेतील शिक्षकांचे तपासणीसाठी घेण्यात आलेल्या स्वॅब अहवालापैकी गुरुवारी (ता. चार) ५७६ अहवाल प्राप्त झाले. त्यापैकी ५५४ निगेटिव्ह आले तर १७ जणांचे अहवाल पॉझिटिव्ह आले आहेत. २२ रुग्ण औषधोपचाराने बरे झाल्याने त्यांना रुग्णालयातुन सुटी देण्यात आली. त्यामुळे जिल्ह्यातील कोरोना मुक्त रुग्णांचे प्रमाण ९५. १८ इतके झाले आहे. 

मागील दोन दिवसापासून जिल्ह्यातील कोरोनाची लागण होण्याचे प्रमाण कमी झाली आहे. दुसरीकडे तीन दिवसापासून एकाही बाधित व्यक्तीचा मृत्यू झाला नाही. त्यामुळे जिल्ह्यातील कोरोना आजारी रुग्णांच्या मृत्यूची संख्या ५८६ वर स्थिर आहे. गुरुवारी नांदेड महापालिका क्षेत्रात - पाच, नांदेड ग्रामीण - दोन, कंधार - एक, मुखेड- एक, उमरखेड - एक, किनवट - दोन, हदगाव - तीन व हिंगोली दोन असे १७ पॉझिटिव्ह अहवालामुळे जिल्ह्यातील एकुण बाधित रुग्णांची संख्या २२ हजार ६१० इतकी झाली आहे. 

हेही वाचा- नांदेडमधील धक्कादायक घटना : देगलूर नाका परिसरात सहा तास बांधून दोघांना बेदम मारहाण; पाच जणांना पोलिस कोठडी

३९६ स्वॅब नमुन्यांची तपासणी सुरु

दुसरीकडे कोरोना मुक्त झालेल्या रुग्णांची संख्या देखील २१ हजार ५२७ इतकी आहे. त्यामुळे सध्या जिल्हाभरातील शासकीय व निमशासकीय रुग्णालय व विलगीकरण कक्षात मिळुन २९३ कोरोना पॉझिटिव्ह रुग्णांवर उपचार सुरु आहेत. त्यापैकी १६ कोरोना बाधित रुग्णांची प्रकृती गंभीर स्वरुपाची आहे. गुरुवारी रात्री उशिरापर्यंत ३९६ स्वॅब नमुन्यांची तपासणी सुरु होती. 

हेही वाचा- नांदेडच्या सांगवीमध्ये चोरट्यांनी चार दुकाने फोडले; लाखो रुपयांचा मुद्देमाल लंपास

नांदेड कोरोना मीटर 

एकुण पॉझिटिव्ह - २२ हजार ६१० 
एकुण कोरोनामुक्त - २१ हजार ५२७ 
एकुण मृत्यू - ५८६ 
गुरुवारी पॉझिटिव्ह - १७ 
गुरुवारी कोरोनामुक्त - २२ 
गुरुवारी मृत्यू - शुन्य 
उपचार सुरु - २९३ 
गंभीर - १६ 
स्वॅबतपासणी सुरु - ३९६