File Photo 
नांदेड

शहरामुळे नव्हे तर यामुळे वाढली जिल्हा प्रशासनाची चिंता

सकाळ वृत्तसेवा

नांदेड : लॉकडाउनमध्ये राज्यासह जिल्ह्याच्या सीमा बंद करण्यात आल्या आहेत. त्यामुळे एका जिल्ह्यातूनच काय पण एका गावातून दुसऱ्या गावात प्रवेश निषेध करण्यात आला आहे. तरी देखील रात्रीच्या वेळी अनेक प्रवाशी मोठ्या शहरातून गावाकडे पायपीट करत रात्री बे रात्री थेट गावात दाखल होत आहेत. त्यामुळे कोरोना आजार आता गाव खेड्यात पाय पसरताना दिसून येत आहे. 

पंतप्रधान मोदी यांनी गाव खेडी कोरोनासारख्या महामारीपासून दूर कशी ठेवता येतील, यासाठी सर्व ते प्रयत्न करण्याच्या सूचना राज्य सरकारला दिल्या आहेत. परंतु रात्री बे रात्री गावात दाखल होणाऱ्या प्रवाशांमुळे जिल्हा प्रशासनाची डोकेदुखी वाढली आहे. जिल्ह्यातील माहूर आणि त्यानंतर बारड येथे प्रत्येकी एक कोरोना बाधीत रुग्ण आढळून आला आहे. यामुळे जिल्हा परिषद आरोग्य विभागाकडून सर्व ती खबरदारी घेण्यास सुरुवात झाली आहे. जिल्हा परिषद आरोग्य विभाग केंद्रावर फिवर क्लिनिक व कोविड केअर सेंटर सज्ज ठेवण्यात आली आहेत. 

त्या पंधरा जणांच्या स्वॅबची प्रतिक्षा 

दोन दिवसापूर्वी बारड येथे आलेल्या तीन युवकांची फिवर क्लिनिकमध्ये तपासणी करण्यात आली होती. त्यापैकी एक युवक कोरोना पॉझिटिव्ह तर दोघांचा अहवाल निगेटिव्ह आढळून आला आहे. दरम्यान, या तिघांच्या संपर्कातील १५ लोकांच्या स्वॅब तपासणीसाठी घेण्यात आले आहेत. बुधवारी (ता.१३) सायंकाळपर्यंत त्यांचे नमुने अहवाल येण्याची शक्यता आहेत. त्यामुळे त्या पॉझिटिव्ह रुग्णाच्या संपर्कातील १५ जणांचे अहवाल नेमके कसे येणार? याकडे जिल्हा प्रशासनाचे लक्ष लागले आहे. 

१६ फीवर क्लिनिक सुरु

जिल्हा परिषदेच्या १२ रुग्णालयात फिवर क्लिनिक आणि कोविड केअर सेंटर सुविधा उपलब्ध करुन देण्यात आली आहे. मुखेड येथे स्वतंत्र ‘डेडीकेटेड’ कोविड हॉस्पिटलची उभारणी करण्यात आली आहे. तीन उप जिल्हा रुग्णालयात डेडीकेटेड कोविड हेल्थ केअर सेंटर सुरु करण्यात आली आहेत. तर इतर १६ फीवर आणि कोविड केअर सेंटर सुरु करण्यात आली आहेत. 

गाव खेड्यापर्यंत कोरोनाचे लोन पसरु नये

 जिल्हा परिषद आरोग्य विभागामार्फत सर्व ती खबरदारी घेतली जात आहे. नागरीकांच्या आरोग्य तपासणी सुरु आहे. मुंबईहून परत बारडला आलेल्या त्या तिन्ही युवकांची फिवर क्लिनिकमध्ये तपासणी करण्यात आली होती. त्यांचे स्वॅब घेण्यात आले होते. त्यातील एकाचा रिपोर्ट पॉझिटिव्ह आला आहे. अजून संपर्कातील १५ जणांचे रिपोर्ट येणे बाकी आहे.
- डॉ. बी. एम. शिंदे, जिल्हा आरोग्य अधिकारी, नांदेड  
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT