नांदेड : सद्यस्थितीत शाळा कधी सुरु होणार याबाबत अनिश्चितता असताना सर्व विद्यार्थ्यांच्या आधार क्रमांकाची नोंद मार्चपर्यंत करण्याचे आदेश शिक्षण विभागाने दिले आहेत. विशेष म्हणजे आधार नोंदणी झालेल्या विद्यार्थ्यांचीच संख्या ग्राह्य धरण्यात येणार असल्याने शाळांच्या चिंतेत वाढ झाली आहे.

कोरोना संसर्गामुळे राज्यातील सर्व शाळा मार्चपासून बंदच आहेत. नवीन शैक्षणिक वर्ष सुरु झाले; मात्र विद्यार्थीच शाळेत यायल तयार नसल्याने शाळा ओस पडल्या आहेत. शासनाने इयत्ता नववी ते बारावीचे वर्ग सुरु केले. पण पहिली ते आठवीच्या वर्गांना अद्यापही परवानगी दिलेली नाही.  राज्यातील शाळा प्रत्यक्षात कधी सुरु होणार याबाबत अद्यापही निर्णय जाहीर झालेला नाही. अजूनही अनेक विद्यार्थ्यांशी शिक्षकांचा संपर्क होऊ शकलेला नाही. राज्यात सर्व ठिकाणी प्रत्यक्षात शाळा उघडल्या नसताना शिक्षण विभागाने मात्र शंभर टक्के विद्यार्थ्यांची आधार नोंदणी बंधनकारक केली असल्यामुळे शिक्षक मोठ्या अडचणीत सापडले आहे.

हेही वाचा - आमदार रत्नाकर गुट्टेना ईडीचा झटका, अडीचशे कोटींची मालमत्ता जप्त, परभणी जिल्ह्यात खळबळ

यापूर्वी सप्टेंबरमध्ये विद्यार्थ्यांचे आधार क्रमांक नोंदवण्याची सूचना शिक्षण विभागाने शाळांना दिली होती. मात्र त्यावेळी अनेक शाळा नोंदणीचे काम करु शकल्या नाहीत. या पार्श्वभूमीवर आता मार्च अखेरपर्यंत नोंदणी पूर्ण करम्याची तंबी शिक्षण विभागाने दिलेली आहे. परंतु, शाळा सुरु झाल्यावरही लगेच विद्यार्थी येतील का? ज्यांच्याकडे आधार क्रमांक नाही, त्यांचे आधार पत्रक नाही, त्यांचे आधार पत्रक काढण्यासाठी शिबिरे कशी घ्यायची? असे प्रश्न शिक्षक उपस्थित करत आहेत.

हे देखील वाचाच - कृष्णूर धान्य घोटाळा प्रकरण : कपील पोकर्णासह तिघांची कारागृहात रवानगी

होणार काय
मार्च अखेरपर्यंत सरल प्रणालीवर आधार क्रमांक नोंदवलेल्या विद्यार्थ्यांनाच ग्राह्य धरून विद्यार्थी संख्या निश्चित करण्यात येणार आहे. त्यानुसार जिल्हा परिषदेच्या शाळांतील शिक्षकांची पदे निश्चित करण्यात येणार आहेत.

येथे क्लिक कराच - नांदेड : काही रेल्वे गाड्या तात्पुरत्या रद्द, एका रेल्वे गाडीचा मार्ग बदलला

शाळांची धावपळ
ज्या विद्यार्थ्यांकडे आधार क्रमांक नाही त्यांच्यासाठी आधार नोंदणी कार्यक्रम करण्यात यावा, अशीही सूचना शिक्षण विभागाने दिलेली आहे. त्यामुळे प्रत्यक्ष शाळा सुरु होताच विद्यार्थ्यांचे आधार पत्रक काढण्यासाठी शाळांना धावपळ करावी लागणार आहे.