नांदेड :‘लॉकडाउन’मुळे नोकरी जाईल अशी अनेकांना भीती वाटणे स्वाभाविकच आहे. परंतु ‘कोरोना’नंतरच्या जगात वावरणाऱ्यांनी नोकरी जाईल अशी भीती न बाळगता प्रत्येकाने सकारात्मक उर्जा घेऊन ‘कोरोना’वर मात केली पाहिजे. बदलललेल्या जगात मुसंडी मारली पाहिजे, असे मत श्री गुरु गोविंदसिंघजी शासकीय अभियांत्रिकी महाविद्यालयाचे संचालक डॉ. यशवंत जोशी यांनी व्यक्त केले.

लॉकडाउनच्या काळात अनेक शासकीय कार्यालयातील कामे ‘वर्क फ्रॉम होम’ सुरु आहेत. दरम्यान एरवी आॅफीसमध्ये बसून होणारी बहुतेक कामे अगदी कमीत कमी मनुष्यबळाच्या जोरावर घर बसल्याने पूर्ण होत आहेत. त्यामुळे अनेक कंपनीच्या मालकास ‘वर्क फ्रॉम होम’ची सवय लागणे स्वाभाविक आहे. त्यामुळे काही प्रमाणात विद्यार्थ्यांना व नोकरदार वर्गांना वाटत असलेली भीती स्वाभाविक असली तरी, सर्वच कामे घरी बसून करणे शक्य नाही.

हेही वाचा- Video - तब्बल तीन महिन्यानंतर ज्ञानेश्वरी आज आईला भेटणार

नवनवीन कल्पना शक्तीचा शोध घ्यावा

इंजिनिअरिंग विभागातील काही कामे ही कंपनीत जाऊन करावी लागतात. त्यासाठी मनुष्यबळाची तितकीच गरज लागणार आहे. ती गरज घरुन पूर्ण करता येणार नाही. ग्लोबलायझेशनमुळे विदेशी वस्तूंवर पूर्णपणे बहिष्कार टाकणे शक्य नाही. परंतु त्या दर्जाचे उत्पादन करण्याची व त्या वस्तूला देशातच नव्हे तर विदेशी बाजारपेठेत घेऊन जाण्यासाठी आपल्याकडे नाविन्यपूर्ण कल्पनांचा शक्तींचा आविष्कार असणे गरजेचे आहे. त्यासाठी विद्यार्थ्यांनी आत्तापासून नवनवीन कल्पना शक्तीचा शोध घेणे गरजेचे आहे. 

हेही वाचा- Video - Corona : अशाही काळात हिंमत सोडायची नाही- डाॅ. केशव देशमुख

नोकरीसाठी संधी निर्माण होतील

‘लॉकडाउन’च्या काळात जगभरातील अनेक नामवंत विद्यापीठांनी हजारो कोर्स आॅनलाईन डिझाइन करुन ते सर्वांसाठी खुले केले आहेत. या आॅनलाईन कोर्सचा भारतीय विद्यार्थ्यांनी फायदा घेऊन अभ्यासक्रमाशी संबंधीत आणि जॉब ओरिएन्टेड आॅनलाईन कोर्स करण्यावर भर दिला पाहिजे. त्यातून विद्यार्थ्यांना शिक्षणासाठी व नोकरीसाठी देखील मोठ्या संधी निर्माण होतील. 

स्वतःला सिद्ध करा
‘‘ज्या विद्यार्थ्यांनी किंवा कर्मचाऱ्यांनी आॅनलाईन काम करण्यास सुरुवात केली नसेल त्यांच्यासाठी अजूनही संधी गेलेली नाही. त्यांनी भविष्यातील काळाची पावले ओळखुन ‘कोरोना’नंतरच्या जगात स्वतःला सिद्ध करण्याचा प्रयत्न केला पाहिजे.  
- प्रा. डॉ. यशवंत जोशी संचालक एसजीजीएस इंजिनिअरिंग महाविद्यालय