सोलापूर : लॉकडाउन काही प्रमाणात शिथिल झाल्यानंतर शहर-जिल्ह्यातील काही मोजक्‍या दुकानांना अटी व शर्थीनुसार परवानगी देण्यात आली आहे. तळीरामांनी त्या दुकानांबाहेर अक्षरश: रांग लावली असून 14 जूनला एका दिवसात 27 हजार लिटर मद्यविक्री झाली असून त्यातून शासनाला 17 लाखांचा महसूल मिळाला आहे. 

हेही नक्‍की वाचा : ब्रेकिंग..! बनावटगिरीतून अनुदान लाटणाऱ्या दिव्यांगांच्या 176 शाळांना कुलूप 

कोरोनामुळे दिवसेंदिवस वाढत असलेला लॉकडाउन अन्‌ रेड झोनमधील सोलापुरातील बंद असलेल्या मद्यविक्रीच्या दुकानांमुळे तळीराम बेचैन झाले होते. आता पंढरपूर, करमाळा, अकलूज, सांगोला आणि शहर परिसरातील काही मद्यविक्री दुकानांना परवानगी देण्यात आली आहे. सोशल डिस्टन्स ठेवणे, ग्राहकांनी मास्क घातलेले असावे यासह अन्य नियमांचे पालन करणे बंधनकारक असल्याचे जिल्हाधिकारी मिलिंद शंभरकर यांनी परवानगी देताना स्पष्ट केले. या नियमांचे पालन करीत तळीरामांनी मद्यविक्री दुकानांसमोर रांग लावून उभे राहत आहेत. मद्यविक्रीत अनुक्रमे सांगोला, अकलूज (माळशिरस), करमाळा आणि पंढरपूर हे तालुके आघाडीवर आहेत. 

हेही नक्‍की वाचा : आता बोंबला..! दारुनचे परवाने देण्यासाठी नगरसेविकेचा पुढाकार 

तालुकानिहाय मद्यविक्री (लिटरमध्ये) 
सांगोला : 5,760 लिटर 
अकलूज : 5,670 लिटर 
करमाळा : 4,850 लिटर 
पंढरपूर : 4,589 लिटर 

हेही नक्‍की वाचा : राज्यातील 80 लाख पालकांकडे नाहीत ऍन्ड्राईड मोबाइल 

देशी दारुची विक्री जोमात 
लॉकडाउनमुळे हातचे काम गेल्याने आर्थिक टंचाईचा सामना करणाऱ्या तळीरामांनी आपला मोर्चा देशी दारुकडे वळविल्याचे चित्र आहे. 14 जून रोजी विक्री झालेल्या 27 हजार लिटरमध्ये 12 हजार 384 लिटर देशी दारु विकल्याची नोंद राज्य उत्पादन शुल्क विभागाकडे झाली आहे. तर 10 हजार 438 लिटर विदेशी दारु आणि तीन हजार 869 लिटर बिअरची व्रिकी झाली आहे. अन्य दारु 123 लिटर विकल्याचेही राज्य उत्पादन शुल्क विभागाकडून सांगण्यात आले.