सोलापूर : महाराष्ट्र लोकसेवा आयोगाचा कारभार अध्यक्ष आणि एका सदस्यावर सुरु आहे. वास्तविक पाहता आयोगात चार सदस्य व अध्यक्ष असणे आवश्‍यक आहे. मात्र, मागील दिड वर्षांपासून रिक्‍त असलेल्या तीन सदस्यांची आता नियुक्‍ती केली जाणार आहे. त्यासाठी शासनाने अर्ज मागविले असून तीन पदांसाठी राज्यातून 28 अर्ज प्राप्त झाले आहेत. अर्जांची छाननी प्रक्रिया सुरु असून फेब्रुवारीपर्यंत नव्या सदस्यांची निवड केली जाणार आहे.
हेही नक्‍की वाचाच : माहिती आहे का...केंद्रीय कृषी अभ्यास समितीचा नुसताच महाराष्ट्र दौरा
महाराष्ट्र शासनाच्या अखत्यारीतल्या वेगवेगळ्या सेवांसाठी आणि पदांसाठी स्पर्धा परीक्षा घेऊन प्रशासकीय अधिकाऱ्यांची निवड करण्याचे काम महाराष्ट्र लोकसेवा आयोगाच्या माध्यमातून होते. उपजिल्हाधिकारी, पोलीस-उपअधीक्षक, तहसीलदार, नायब-तहसीलदार, गट-विकास अधिकारी या पदांसह राज्य सेवा परीक्षा, महाराष्ट्र वनसेवा परीक्षा, महाराष्ट्र कृषी सेवा परीक्षा, महाराष्ट्र अभियांत्रिकी सेवा गट अ परीक्षा, महाराष्ट्र अभियांत्रिकी सेवा गट ब परीक्षा, दिवाणी न्यायाधीश, कनिष्ठ स्तर व न्याय दंडाधिकारी, प्रथम वर्ग परीक्षा, सहायक मोटर वाहन निरीक्षक, सहायक अभियंता (विद्युत) श्रेणी -2, महाराष्ट्र विद्युत अभियांत्रिकी सेवा, गट-ब, पोलीस उपनिरीक्षक, विक्रीकर निरीक्षक परीक्षा कर सहायक गट- क परीक्षा आणि लिपिक-टंकलेखकांची परीक्षाही आयोगाच्या माध्यमातून घेतली जाते. आयोगातील रिक्‍त पदांमुळे 2017 पासून पोलिस अधिकाऱ्यांसह अन्य उमेदवारांची परीक्षाच घेतली जाते. राज्यातील वाढत्या बेरोजगारीमुळे तरुणांचा कल आता स्पर्धा परीक्षांकडे वाढू लागला आहे. परीक्षा अन् भरती प्रक्रिया वेळेत पार पडावी या हेतूने आयोगातील तीन सदस्यांची नियुक्‍ती फेब्रुवारीअखेर केली जाणार आहे.
हेही नक्‍की वाचाच : वैयक्‍तिक योजनांच्या लाभार्थींना दिलासा...महाविकास आघाडी घेणार निर्णय
तीन सदस्यांसाठी 28 अर्ज
महाराष्ट्र लोकसेवा आयोगातील तीन सदस्यांची पदे रिक्‍त असून त्यांची निवडीची प्रक्रिया लवकरच होणार आहे. पुढील आठवड्यात त्यावर वरिष्ठ स्तरावरून निर्णय अपेक्षित असून त्यानंतर प्राप्त अर्जांची छाननी प्रक्रिया सुरु होईल.
- सिताराम कुंटे, अप्पर मुख्य सचिव, सेवा, मुंबई
हेही नक्‍की वाचाच : अतिवृष्टीचे बाराशे कोटी गेले कुठे...नक्‍की वाचा
ठळक बाबी...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.