कोल्हापूर - शिवसेनेचे नगरसेवक नियाज खान यांच्या दारात उभी केलेल्या मोटारीची बाटलीने काच फोडून अज्ञाताने त्यातील 33 हजाराची रोकड लंपास केली. आज सकाळी हा प्रकार उघडकीस आला. याची नोंद राजारामपुरी पोलिसात झाली आहे.

सध्या निवडणुकीच्या प्रचाराचा माहोल सुरू असून यातूच हा प्रकार घडल्याची शक्‍यता व्यक्त करत नगरसेवकांसह मित्रपरिवारांने त्या अनुषंगाने तपास व्हावा, अशी मागणी पोलिसांकडे केली. 

Vidhan Sabha 2019 : रोजगारासाठी कोल्हापुरात आयटी हब उभारू ; अमित शहांचे आश्वासन 

याबाबत पोलिसांनी दिलेली माहिती, नगरसेवक नियाज खान वाय. पी. पोवार नगरात राहतात. काल रात्री ते दैनदिन काम अटोपून रात्री अकराच्या सुमारास घरी आले. त्यांनी आपली मोटार दारात लावली. त्यानंतर ते जेवण करून झोपी गेले.

Vidhan Sabha 2019 : कोल्हापूर उत्तरेत शिवसेनेची ताकद जिरवाजिरवीतच वाया 

दरम्यान अज्ञाताने त्यांच्या मोटारीची पाठीमागील व चालकाच्या बाजूची काच बाटलीने फोडली. त्यानंतर डॅशबॉक्‍समध्ये ठेवलेली 33 हजार 400 रूपयाची रोकड लंपास केली. आज सकाळी खान यांना हा प्रकार लक्षात आला. त्यांनी याची माहिती राजारामपुरी पोलिसांना दिली.

Vidhan Sabha 2019 : उद्धव ठाकरे कुडाळात कोणती तोफ डागणार ? 

दरम्यान खान यांची मोटार फोडल्याची वार्ता शहरात पसरली. विधानसभा निवडणुकीच्या प्रचारावरून हा प्रकार घडला असावा अशा शक्‍यता वर्तविण्यात आल्या. त्यांच्याकडे याबाबत विचारणा होऊ लागली. यानंतर ते फिर्याद देण्यासाठी राजारामपुरी पोलिसात गेले. त्यावेळी त्यांच्यासोबत नगरसेवक राहूल चव्हाण यांच्यासह असिफ सौदागर, महेश उत्तुरे, सागर यवलुजे, गणी आजरेकर हे पोलिसात आले. त्यांनी या प्रकरणाचा केवळ चोरीसह इतर अनुषंगानेही तपास करावा, अशी मागणी केली. पोलिस उपनिरीक्षक समाधान घुगे यांनी या प्रकरणाचा सखोल तपास केला जाईल असे आश्‍वासन त्यांना दिले. 

दारात लावली मोटार फोडून त्यातील रोकड लंपास केल्याचा प्रकार सकाळी निदर्शनास आला. हा प्रकार राजकारणातूही झाला असावा असा माझा संशय आहे. त्यानुसारही पोलिसांनी तपास करावा अशी मी मागणी केली आहे. 
- नियाज खान,  नगरसेवक