पश्चिम महाराष्ट्र

ज्येष्ठ वैज्ञानिक डॉ. अतिश दाभोलकर यांना चिरमुले पुरस्कार जाहीर

सकाळ वृत्तसेवा

सातारा : युनायटेड वेस्टर्न बॅंकेचे संस्थापक वा. ग. तथा अण्णासाहेब चिरमुले यांच्या स्मरणार्थ स्थापन केलेल्या चिरमुले ट्रस्टमार्फत दिला जाणार अण्णासाहेब चिरमुले पुरस्कार 2018 साठी आंतरराष्ट्रीय कीर्तीचे ज्येष्ठ वैज्ञानिक डॉ. अतिश दाभोलकर यांना जाहीर झाला आहे. एक लाख रुपये आणि सन्मानचिन्ह असे या पुरस्काराचे स्वरूप असून, लवकरच या पुरस्काराचे वितरण केले जाणार आहे, अशी माहिती चिरमुले ट्रस्टचे विश्वस्त श्रीकांत जोशी, डॉ. अनिल पाटील, समीर जोशी, दिलीप पाठक, डॉ. अच्युत गोडबोले व निवड समितीचे समन्वयक अरुण गोडबोले यांनी दिली आहे.
 
डॉ. अतिश दाभोलकर हे कृषी क्षेत्रातील शास्त्रज्ञ म्हणून ख्यातकीर्त आहेत. प्रयोग परिवाराचे प्रणेते मुकुंद तथा श्रीपाद व वृंदा दाभोलकर यांचे ते सुपुत्र आहेत. गारगोटी (जि. कोल्हापूर) येथे त्यांचे माध्यमिक शिक्षण, तर फर्ग्युसन कॉलेजमध्ये इंटर सायन्सपर्यंतचे शिक्षण झाले असून, फिजिक्‍समध्येच संशोधन करण्याची तीव्र इच्छा मनात असल्याने त्यांनी आयआयटी खरगपूर येथे एमएस्सी व नंतर अमेरिकेतील प्रिन्स्टन विद्यापीठात फिजिक्‍समध्ये संशोधन करून पीएचडी प्राप्त केली आहे. 1990 ते 1996 या कालावधीत ते अमेरिकेतील नामवंत विद्यापीठात सीनियर असोसिएट म्हणून विद्यादान व संशोधनाचे काम करत होते. 1996 ते 2010 या कालावधीत टाटा मूलभूत संशोधन संस्थेत प्रोफेसर म्हणून कार्यरत होते.

त्यानंतर स्वित्झर्लंड, फ्रान्स, इटली या देशांतील महत्त्वपूर्ण संशोधन संस्था रिसर्च सायंटिस्ट म्हणून त्यांनी संशोधन केले आहे. 2014 मध्ये आयसीटीपीमध्ये त्यांची ज्येष्ठ संशोधक म्हणून निवड झाली. 2019 ला ते त्या संस्थेचे असिस्टंट डायरेक्‍टर म्हणून निवडले गेले आहेत. 2020 मध्ये वयाच्या केवळ 57 व्या वर्षी त्यांची या आंतरराष्ट्रीय ख्याती प्राप्त संस्थेच्या प्रमुखपदी निवड झाली. डॉ. दाभोलकर यांची तीसहून अधिक संशोधनात्मक पुस्तके प्रसिद्ध झालेली आहेत. अनेक आंतरराष्ट्रीय परिषदा, सेमिनार व विद्यापीठे यामध्ये त्यांचा सहभाग व मार्गदर्शन असतो. फ्रान्सच्या राष्ट्रीय रिसर्च एजन्सीने त्यांना चेअर ऑफ एक्‍सलन्स पुरस्काराने गौरविले आहे. केंद्र सरकारतर्फे शांतीस्वरूप भटनागर आणि नॅशनल लिडरशीप ऍवार्ड इन सायन्स ऍण्ड टेक्‍नॉलॉजी या संशोधन क्षेत्रातील दोन्ही सर्वोच्च पुरस्काराने सन्मानित केले आहे. कोरोना विषाणूमुळे पुरस्कार प्रदानाचा कार्यक्रम संसर्ग कमी झाल्यावर साताऱ्यात होणार आहे, असल्याचे श्री. गोडबोले यांनी सांगितले.


हेही वाचा : शाब्बास रे पठ्ठया ! चालत्या ट्रेनमधून उडी मारुन चाेरट्यास पकडले

वाचा : आपलं घर भरलेलं असावं पोरी..वेळ काही सांगून येत नाही...
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Pune FDA Action : पुणे, कोल्हापूरसह 'या' 5 जिल्ह्यांत अन्न व औषध प्रशासनाची मोठी कारवाई! 2 लाख किलोहून अधिक भेसळयुक्त मिठाई अन् तूप जप्त; 111 दुकानांचे परवाने रद्द

CM योगी आदित्यनाथ यांना मातृशोक, आईचे वयाच्या ९१व्या वर्षी निधन

Sant Namdev Maharaj Temple : सोलापूरच्या बाळीवेसमध्ये उभारलं जातंय 100 वर्षे जुन्या संत नामदेव महाराजांच्या मंदिराचं भव्य रूप! काळ्या पाषाणातील मेघडंबरी अन् 'ही' असतील खास वैशिष्ट्ये

Latest Marathi News Live Update : पुण्यातील लक्ष्मी रोडवर अतिक्रमणविरोधी कारवाई; मोठ्या दुकानांवर कारवाई का नाही? महिलेचा सवाल

मुलीच्या लग्नासाठी घेतले २५ हजारांचे कर्ज; सावकाराने हिरावली ४.५ एकर जमीन, ३० वर्षांनी महिलेला मिळाला न्याय!

SCROLL FOR NEXT