बेळगाव : अज्ञात हल्लेखोरांनी गळ्यावर धारदार शस्त्राने वार करुन पिरनवाडीतील एका तरुणाचा खून करण्याचा प्रयत्न केला. गुरुवारी (ता.२८) रात्री ११.३० च्या सुमारास मच्छेतील केएसआरपी बटालियननजीक ही घटना घडली. बाळू निंगाप्पा शहापूरकर (वय २८, पिरनवाडी) असे जखमी तरुणाचे नाव असून त्याला जिल्हा रुग्णालयात दाखल करण्यात आले आहे.

याबाबत पोलिसांकडून मिळालेली अधिक माहिती अशी, मच्छेतील केएसआरपी बटालियननजीक रात्री ११.३० च्या सुमारास अज्ञातांनी बाळूच्या गळ्यावर धारदार शस्त्राने वार करुन त्याचा खून करण्याचा प्रयत्न केला. घटनेची माहिती समजताच बेळगाव ग्रामीण पोलिसांनी घटनास्थळी भेट देऊन पंचनामा केला.

हेही वाचा - वेश्‍यांच्या कमाईवर जगण्याचा राजरोस उद्योग -

जखमीला जिल्हा रुग्णालयात दाखल करण्यात आले असून त्याची प्रकृती चिंताजनक असल्याचे समजते. संबधीत तरुणावर हा प्राणघातक हल्ला नेमका कशासाठी आणि कुणी केला याचे कारण समजू शकले नाही. घटनेची नोंद बेळगाव ग्रामीण पोलीस स्थानकात झाली आहे. पोलिस निरीक्षक सुनीलकुमार नंदेश्‍वर पुढील तपास करीत आहेत.

संपादन - स्नेहल कदम