सांगली : विश्रामबाग परिसरातील (vishrambag area sangli) पाटील मळ्यातील कुंतीनाथ शामराव पाटील यांच्या जनावरांच्या गोठ्यात चालणाऱ्या तीन पानी जुगार अड्ड्यावर (crime news) पोलिसांनी छापा टाकला. यात आठ जणांना अटक करण्यात आली असून सुमारे तीन लाखांचा मुद्देमाल जप्त करण्यात आला आहे. विश्रामबाग पोलिसांच्या पथकाने ही कारवाई केली.

संजय कुमगोंडा पाटील (वय ५०), सुशांत जयकुमार चौगुले (वय ४२), शुभम शांतिनाथ पाटील (वय २६), नीलेश अण्णासो पाटील, राहुल संजय वठारे (वय ३५), राकेश संजय वठारे (वय ३५), सचिन सुधाकर आवटी (वय ४२), संदीप रामगोंडा पाटील (वय ३२, सर्व रा. इनामधामणी, मिरज), प्रदीप जगोंडा पाटील (वय ४५, नेमिनाथनगर, सांगली) अशी अटक केलेल्यांची नावे आहेत.

याबाबत पोलिसांनी दिलेली माहिती अशी, की जुगारसह अवैध धंद्यांवर कारवाईचे आदेश पोलिस अधीक्षक दीक्षित गेडाम, अपर अधीक्षक मनीषा दुबुले, उपाधीक्षक अजित टीके यांनी दिले आहेत. त्यानुसार विश्रामबागचे सहायक निरीक्षक अमितकुमार पाटील, पोलिस विलास मुंढे, सर्जेराव पवार, मिथुन गंगधर, सुदर्शन पाटील, जयसिंग अहिरे, चालक जावेद अत्तार यांचे पथक विश्रामबाग परिसरात गस्तीवर होते.

त्यावेळी पाटील मळ्यातील कुंतीनाथ शामराव पाटील यांच्या जनावरांच्या गोट्यात चालणाऱ्या तीन पानी जुगार अड्डा (crime) सुरू असल्याची माहिती पथकास मिळाली. त्यानुसार छापा टाकण्यात आला. संशयित आठ जण (8 peope arrested police) जुगार खेळताना रंगेहात मिळून आले. संशयितांकडून दहा हजारांची रोकड, सहा दुचाकी असा तीन लाख १५ हजारांचा मुद्देमाल जप्त करण्यात आला. संशयितांवर महाराष्ट्र जुगार प्रतिबंधक अधिनियमानुसार गुन्हा दाखल करण्यात आला.