तुंग (सांगली) : कसबेडिग्रज मौजेडिग्रज (ता. मिरज) येथील बंधाऱ्याजवळ सुनील गणपतराव पाटील (वय 30) रा. अष्टविनायक माधवनगर येथील पोलिस युवकाचा बुडुन मृत्यू झाला. मित्रासमवेत ते पोहण्यासाठी आले होते. पोहताना ते अचानक बुडू लागले. या तरुणास पोहायला येत होते असे त्याचे नातेवाईक सांगतात. लगेचच शोधमोहीम सुरू केली. परंतु मृतदेह हाती लागला नव्हता. शनिवारी सांगली ग्रामीण पोलिस आणि नातेवाईकांनी आयुष हेल्पलाईन संपर्क साधला. आयुष हेल्पलाईनच्या मदतीने शोधमोहीम चालू होती. रात्री उशिरा मृतदेह शोधण्यास यश आले. हा तरुण पोलिस दलामध्ये होता. त्याचे नुकतेच लग्न झाले होते असे समजते. 

यावेळी आयुष हेल्पलाईन टिमचे टिम प्रमुख अविनाश पवार, अमोल व्हटकर, रुद्र कांरडे, अजित रायमाने, चिंतामणी पवार, प्रणाली चव्हान, अर्जुन ठाकूर, विश्वसेवा फाऊंडेशनचे गजानन नरळे, अजिंक्‍य बोळाज, सुरेश, योगेश आवटी, गणेश आवटी, अभिजित गुजर, स्पेशल रिसक्‍यू टिम तसेच विश्वश्री सेवा मंडळ सांगलीवाडी, बसवराज हिरेमठ सेवा संस्था या टिमने शोध मोहीम हाती घेतली होती. सांगली ग्रामीणचे पोलिस निरीक्षक बेदरे, मौजेडिग्रजचे पोलिस पाटील सतीश पाटील यांनी घटनास्थळी भेट दिली. 

हेही वाचा - तू रागाने का बघतोस? असे म्हणत हृषीकेशला दुचाकीवरून खाली पाडून कोयत्याने केले वार, सांगलीतील घटना