कोयनानगर (जि. सातारा) : कोयनानगर येथे पडलेली गुलाबी थंडी व कोयना वासीयांची साखरझोप आज (सोमवार) सकाळच्या सुमारास पहाटे कोयना परिसरात झालेल्या भूकंपाच्या सौम्य धक्‍क्‍याने उडाली आहे.

अवश्य वाचा -  टॅक्‍सी चालकाचा प्रामाणिकपणा, 13 लाख केले परत

कोयना भागात नेहमीच भुकंपाचे धक्के बसत असतात. कधी ते छोट्या स्वरुपात असतात तर कधी मोठ्या प्रमाणात असतात. आज (सोमवार) सकाळी कोयना , पाटण , कोकण किनारपट्टीचा परिसरात भुकंपाचा सौम्य धक्का बसला आहे.
जरुर वाचा - आत्महत्याग्रस्त शेतकरी कुटुंबाला आशेचा ‘किरण’

भूकंपमापन केंद्रावर या भूकंपाच्या धक्‍क्‍याची तीव्रता 2.6 रिश्‍टर स्केल तर भूकंपाच्या धक्‍क्‍याचा केंद्रबिंदू कोयना धरणापासून आठ किलोमीटरवर होता. या भूकंपाच्या धक्‍क्‍याने कोणतीही जीवित अथवा वित्त हानी झाले नाही अशी माहिती प्रशासनाद्वारे कळविण्यात आली आहे. दरम्यान गुलाबी थंडीत व साखरझोपेत असणाऱ्यांची भुकंपाने मात्र झोप मात्र उडाली आहे.

हेही वाचा - असा जिंकला साताऱ्याने पोलिस कप