झरे (जि. सांगली) - नातलगाच्या अंत्यविधीसाठी जातानाच पाच जणांवर काळाने घाला घातला आहे. गाडीची स्टेरिंग लॉक झाल्याने गाडी रस्त्यालगतच्या विहिरीमध्ये पडली व यात 5 जणांचा जागीच मृत्यू झाला आहे, तर एक जण गंभीर जखमी झाला आहे. कुंडलीक बरकडे, गुंडा डोंबाळे (वय 35), संगीता पाटील (40), शोभा पाटील (38) अशी अपघातात ठार झालेल्यांची नावे आहेत तर हरिबा वाघमोडे हे जखमी असून त्यांना रूग्णालयात दाखल केले आहे. 

हे पण वाचा - अजित पवारांच्या स्वीय सहाय्यकांच्या भावाचा निर्घृण खून ; डोक्‍यात कोयत्याने वर्मी घाव 

याबाबत अधिक माहिती अशी...

मृत आणि जखमी आपल्या नातेवाईकाच्या अंत्यविधीसाठी जात असताना पारेकर वाडीपासून झरेकडे येणाऱ्या रस्त्याला पारेकर वाडी पासून अर्ध्या किलोमीटरवर गाडीची स्टेरिंग लॉक झाल्याने चालकाचा ताबा सुटला आणि गाडी रस्त्यालगतच्या विहिरीमध्ये पडली. विहिलीला पाणी प्रचंड असल्याने सर्वांना गाडीतून बाहेर पडता आले नाही. परुंतु, वाघमोडे गाडीची काच फोडून बाहेर पडले व पोहोत विहिरीच्या काटाला आले. गाडीतील उर्वरीत पाच जणांचा जागीच मृत्यू झाला. तर वाघमोडे जखमी झाले. अपघातग्रस्त गाडी जेसीबीच्या साह्याने बाहेर काढण्यात आली आहे. 

घटनेची माहीती समजताच झरे पारेकरवाडी या परिसरातील लोकांनी मदतीसाठी धाव घेतली. घटनास्थळी पोलिस पाटील विक्रम पाटील, माजी समाज कल्याण सभापती ब्रह्मानंद पडळकर यांनी धाव घेतली व जखमीला तातडीने उपचारासाठी रूग्णालायात दाखल केले. 

हेही वाचा- बापरे ! काडवलीत वर्षाने मिळाले पाणी...

रस्यागलगत विहिर पाडण्यास परवानगी कशी? 
रस्त्यालगतच पाच फुटावरती विहीर आहे. सार्वजनिक बांधकाम विभागाने रस्त्यालगत पाच फुटावर विहिर पाडायला परवानगी दिली कशी? असा प्रश्न घटनास्थळावरील लोक विचारत होते. शिवाय याची चौकशी व्हावी अशी ग्रामस्थांकडून मागणी होत आहे.