नगर : सकाळ एनआयई (न्यूज पेपर इन एज्युकेशन) उपक्रमांतर्गत भिंगार येथील प्रियदर्शनी पब्लिक स्कूल व ज्युनिअर कॉलेजमध्ये 29 व 30 जानेवारीला आंतरशालेय नाट्य स्पर्धा आयोजित करण्यात आली आहे. विद्यार्थ्यांच्या अभिनय व संवादकौशल्याला वाव मिळावा, या हेतूने या स्पर्धेचे आयोजन केले आहे. स्पर्धेसाठी नावनोंदणीची अंतिम मुदत शनिवारपर्यंत (ता. 25) आहे. 

उघडून तर बघा-आपकी बात "पटनी'चाहिए,आदित्य ठाकरे म्हणाले,तुमची "दिशा' चुकली 

सलग तिसऱ्या वर्षी ही स्पर्धा होत आहे. नगर जिल्ह्यातील पाचवी ते दहावीतील 15 वर्षांपर्यंतचे विद्यार्थीच या स्पर्धेत सहभागी होऊ शकतील. स्पर्धेसाठी एकच गट असून, सहभागी शाळांना मराठी, हिंदी किंवा इंग्रजी भाषेत नाटिका सादर करता येईल. "आय लव नगर' व "लेट्‌स अप'ने ही स्पर्धा प्रायोजित केली आहे. स्पर्धेतील प्रथम तीन संघांना सन्मानचिन्ह व अनुक्रमे तीन हजार, दोन हजार व एक हजार रुपये, अशी सांघिक बक्षिसे देण्यात येतील.

हेही वाचा- धीरज देशमुख यांचा "हा' आहे जीवाचा भाऊ 

वैयक्तिक पातळीवरही अभिनय, दिग्दर्शन व नेपथ्यासाठी आकर्षक बक्षिसे देण्यात येतील. सर्व सहभागी विद्यार्थ्यांना प्रशस्तिपत्रे देऊन सन्मानित केले जाईल. नाटिकेचा विषय, आशय, दिग्दर्शन, नेपथ्य, अभिनय या निकषांवर स्पर्धेचे गुणांकन करण्यात येईल. सहभागी संघाची जाण्या-येण्याची, भोजनाची, तसेच इतर सर्व व्यवस्था संबंधित विद्यालयांची असेल. संपर्क : शिल्पा धोपावकर 9890611291. 

स्पर्धेसाठी... 
- स्पर्धा संयोजनाचे सर्वाधिकार "सकाळ एनआयई'कडे आहेत. 
- एका संघातील विद्यार्थ्यांची संख्या 15पेक्षा जास्त नसावी. 
- नाटिका सादरीकरणाचा कालावधी 20 मिनिटे, तर नेपथ्य संयोजनासाठी 10 मिनिटे वेळ असेल. 
- नाटिका सादरीकरणासाठी विषयाची अट नाही; पण सामाजिक, धार्मिक व भावनिक तेढ निर्माण करणारे विषय टाळावेत. 
- परीक्षकांचा निर्णय अंतिम असेल. याबाबत परीक्षक अथवा संयोजकांशी चर्चा करू नये. 
- स्पर्धेसाठी नावनोंदणी आवश्‍यक असून, प्रत्येक नाटिकेस 50 रुपये प्रवेशशुल्क आहे.