कोल्हापूर - कोरोनाचा संसर्ग रोखण्यासाठी नो मास्क नो एन्ट्रीची मोहिम महापालिका प्रशासनाने गतिमान केली असून कोल्हापूर शहरात विना मास्क, सामाजिक अंतर न ठेवणाऱ्या नागरिकांविरोधात मोहीम कडक केली असून गेल्या आठवड्यात महानगरपालिका आणि पोलिस प्रशासनाच्या पथकाकडून 30 लाख 71 हजाराचा दंड वसूल केला असल्याची माहिती महापालिका आयुक्त डॉ.मल्लिनाथ कलशेट्टी यांनी दिली.
यामध्ये 21 सप्टेंबर 2020 ते आज अखेर सात दिवसामध्ये हा दंड करण्यात आला असून यापुढेही ही मोहिम अधिक तिव्र करण्याचे आदेश प्रशासकिय यंत्रणेला दिल्याचे आयुक्त डॉ. मल्लिनाथ कलशेट्टी म्हणाले, कोल्हापूर शहरात विना मास्क फिरणे, सामाजिक अंतर न ठेवणे, हॅण्डग्लोज न घालणा-या दुकानदार, व्यवसायिकांवर कठोर कारवाई करण्यात येत असून रस्त्यावर विशेषता सार्वजनिक ठिकाणी थुंकणा-या विरोधात महापालिका आणि पोलीस प्रशासनाच्या पथकाने व्यापक मोहीम हाती घेतली आहे.
21 सप्टेंबरपासून आज अखेर सात दिवसामध्ये वसूल केलेल्या 30 लाख 71 हजाराच्या दंडामध्ये 21 सप्टेंबरला 42800, 22 सप्टेंबरला 28800, 23 सप्टेंबर 53200, 24 सप्टेंबरला 47900,25 सप्टेंबरला40200, 26 सप्टेंबरला 39300, आणि 27 सप्टेंबरला 54900 रुपयांचा दंड वसूल करण्यात आला आहे.
हे पण वाचा - Kolhapur CPR Fire Update : आगीत चार जणांचा मृत्यू
कोरोनाचा प्रादुर्भाव रोखण्यासाठी शहरवासीयांनी तसेच व्यापारी, व्यावसायिकांनी मास्क वापरणे, सामाजिक अंतर ठेवणे बंधनकारक आहे. कोरोनाला रोखण्यासाठी महापालिका प्रशासन युध्दपातळीवर उपाययोजना राबवित असून नागरिकांनी कोरोना प्रतिबंधक उपाययोजनांचे काटेकोरपणे पालन करावे असे आवाहनही आयुक्त डॉ.मल्लिनाथ कलशेटटी यांनी केले आहे.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.