कोल्हापूर : कोरोना संसर्गाचे धोके लक्षात घेता पोलिसांसाठी बूस्टर डोसच्या कॅम्पचे आयोजन करण्यास सुरुवात केली आहे. आवश्यक ती काळजी घ्या, धोका वाढतोय, अशा सूचनाही प्रशासनाकडून पोलिसांना केल्या जात आहेत.
कोरोना काळात सुरवातीपासून पोलिस अग्रस्थानी राहून काम करत आहेत. पहिल्या दुसऱ्या लाटेत बंदोबस्ताबरोबर मदत कार्यात जिल्हा पोलिस दल सक्रीय होते. कंटनेन्मेट झोनवरही पोलिसांचा बंदोबस्त तैनात असायचा. दररोज अनेकांशी येणाऱ्या संपर्कातून अनेक पोलिस कोरोनाबाधित झाले होते. जिल्ह्यातील दोन पोलिसांचा मृत्यूही झाला होता. कोरोना बाधितांवर वेळेत योग्य ते उपचार व्हावेत, यासाठी जिल्हा पोलिस दलाने स्वतंत्र व्यवस्थाही दोन्ही लाटेत केली होती. यात डॉक्टर, औषधे, रुग्णवाहिका, जेवण, नाष्टा आदीची सुविधा उपलब्ध करून दिली होती. जिल्हा पोलिस दलाचे जवळपास १०० टक्के कोरोना प्रतिबंधक दोन्ही लसीकरण झाले आहे.
कोरोनाची तिसरी लाट डोकेवर काढते आहे. काही पोलिसांना कोरोनाची बाधा झाली. यात अधिकारी वर्गांचाही समावेश आहे. यातील अनेकांना डिस्चार्जही मिळाला आहे. हा धोका विचारात घेऊन वरिष्ठांकडून पोलिसांना बुस्टर डोस घेता यावा, यासाठी कॅम्पचे आयोजनही केले आहे. अलंकार हॉल येथे काही दिवसापूर्वी बुस्टर लसीचा कॅम्प घेतला होता. यात २६३ पोलिस कर्मचारी हा डोस घेतला. अशा पद्धतीचे कँम्प ग्रामीण भागात आयोजित करून पोलिसांना बुस्टर डोस उपलब्ध करून देण्याचा प्रयत्न सुरू आहे. बुस्टर लस वेळेत घ्या. मास्क, सॅनिटायझरचा वापर करा. कर्तव्य बजावताना सोशल डिस्टन्सिंगचे पालन करा अशा सूचनाही देण्यात येत आहेत.
दृष्टिक्षेपात
अधिकारी १५९
कर्मचारी २७६२
सध्याचे बाधित पोलिस २०
कोरोनामुक्त पोलिस २८
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.