कोल्हापूर ः वादग्रस्त व्हिडीओ, चिथावणीखोर मेसेज पाठविणाऱ्या आणि फॉर्वर्ड करणाऱ्या चौघांवर शाहूपुरी पोलिसांनी गुन्हा दाखल केला. व्हिडीओ क्‍लीप इतरांच्या व्हॉटस्‌ ऍप नंबरवर, ग्रुपमध्ये पाठवून जिल्हाधिकाऱ्यांच्या आदेशाचा भंग केल्याप्रकरणी शाहुपूरी पोलिसांनी ही कारवाई केली आहे.

पोलिसांनी सांगितले, कोरोनाच्या पार्श्वभूमीवर चिथावणीखोर मॅसेज व व्हिडीओ क्‍लीप शेअर केल्याबद्दल सादीक सलीम शेख (रा.प्लॉट नं.20, संजय गाधी हौसिंग सोसायटी, कदमवाडी) आणि तातोबा बाबुराव जगदाळे (आंबवडे, ता. पन्हाळा) यांच्यावर गुन्हा नोंद झाला आहे. तसेच "सीके प्रेमी' या व्हॉटसअप ग्रुपवर वादग्रस्त मॅसेज फॉर्वर्ड केल्याबद्दल महादेव बबन गचाटे (गडमुडशिंगी, ता. करवीर) तसेच "कै. ऋषिकेश आठवण' या ग्रुपवर भावना भडकवणारे मॅसेज पाठविल्याबद्दल अमित शंकर वायदंडे (कपूर वसाहत, कदमवाडी) यांच्यावर गुन्हे नोंदवले आहेत.

दानोळीतील दोघांवर गुन्हा 
जयसिंगपूर ः सोशल मीडियावरून अफवा पसरविल्याबद्दल दानोळी (ता. शिरोळ) येथील दोघांविरोधात जयसिंगपूर पोलिसांत गुन्हा दाखल झाला. कॉन्स्टेबल विजय पाटील यांच्या फिर्यादीनुसार ग्रुप ऍडमिन अनिकेत सुरेश पाटील (वय 26) व दीपक गुंडू पाटील याने मेसेस फॉरवर्ड केल्याबद्दल गुन्हा दाखल केला. रविवारी ग्लोबल सेल्स दानोळी या व्हॉटस ऍप ग्रुपवर दिल्लीतील निजामुद्दीन मरकजबाबत मेसेस फॉरवर्ड केल्याचा गुन्हा दाखल केला.