कोल्हापूर : कोरोनाचा प्रादुर्भाव रोखण्यासाठी जिल्ह्यात शनिवारी (ता. १५) मध्यरात्रीपासून पुकारण्यात आलेल्या लॉकडाउनचा फटका (Kolhapur Lockdown Impact) कोल्हापूर जिल्हा दूध उत्पादक संघाच्या (गोकुळ) (Gokul Dudha Sangh)दूध विक्रीला बसला असून, गेल्या दोन दिवसांत रोज सरासरी दीड लाख लिटरने दूध विक्रीत घट झाली आहे. जिल्ह्यातील संकलन मात्र सुरळीत सुरू असले तरी कोल्हापूरसह सांगली, पुणे, मुंबईतही (Sangli,Pune,Mumbai)असलेल्या लॉकडाउनचा फटका ‘गोकुळ’ च्या दूध विक्रीला बसला आहे.

Kolhapur Lockdown impact Gokul milk sales fell by 1.5 lakh litres kolhapur news

‘गोकुळ’ चे दोन्हीवेळचे मिळून दैनंदिन संकलन सुमारे साडेबारा ते १३ लाख लिटर आहे. जिल्ह्यात कोरोनामुळे लॉकडाउन असला तरी संकलनावर त्याचा फारसा परिणाम झालेला नाही. याशिवाय संघाकडून कर्नाटकसह इतर जिल्ह्यातूनही दूध खरेदी केले जाते. संकलित दुधावर प्रक्रिया करून हे दूध पुणे, मुंबईसह कोकणाता विक्रीसाठी पाठवले जाते. ‘गोकुळ’ दैनदिन दूध विक्री सुमारे १२ लाख ७० हजार लिटर आहे. यापैकी दोन ते अडीच लाख लिटर दूध जिल्ह्यात विकले जाते. उर्वरित दुधाच्या बाजारपेठेसाठी संघाला पुणे, मुंबईवर अवलंबून रहावे लागते. गेल्या दोन दिवसांत ही विक्री दहा ते साडेदहा लिटरवर आली आहे.

हेही वाचा- चिंताजनक! प्रत्येक तासाला कोरोनाचे दोन बळी; १७ दिवसांत ८४७ मृत्यू

काल तर चक्रीवादळाच्या परिणामुळे एकट्या मुंबईत याशिवाय ५० हजार अतिरिक्त दुधाची विक्री थांबली. संकलन व विक्रीतून शिल्लक रहाणाऱ्या दुधापासून उपपदार्थ बनवण्यावर भर दिला जात आहे.